شىرشاعا از قامتىلعان جانە كوپ بالالى جانۇيالاردان شىققان، وقۋدا وزات، ءتۇرلى سپورت باسەكەلەرىندە جەتىستىككە جەتكەن 100-گە جۋىق بالا قاتىستى.
بالدىرعاندارعا ارنالعان ءتۇرلى قويىلىم، مۋلتفيلم كەيىپكەرلەرى جانە سۋپەر قاھارمانداردىڭ قاتىسۋىمەن ويىن-ساۋىق باعدارلاماسى ازىرلەندى.
پرەزيدەنت شىرشاسى بالالار ەرەكشە دايىندالىپ، اركىم ءوزى ازىرلەگەن كيىم ۇلگىسىن تانىستىردى.
سونىڭ ىشىندە سولتۇستىك قازاقستان وبلىسى، شال اقىن اۋدانى، سەرگەيەۆكا اۋىلىنان كەلگەن 6 «ا» سىنىپ وقۋشىسى سانيا اكپانوۆانىڭ كيىم ۇلگىسى ەرەكشە كوزگە ءتۇستى.
«وتتى سامۇرىق قۇسى» كيىم ۇلگىسىن ازىرلەۋگە ءبىرشاما ۋاقىت كەتكەن.
«اكادەميك ە.ا.بوكەتوۆ اتىنداعى مەكتەپ-گيمنازياسىندا" وقيتىن سانيانىڭ ايتۋىنشا سامۇرىق قۇستىڭ باسى اليۋمينيي سىمنان، مەگاپلەكستەن، فواميراننان، لەنتالى پاەتكادان، ساندىك تاستاردان، التىن ءتۇستى كارتوننان ازىرلەنگەن.
سامۇرىق جۇمىرتقاسى گەلدى شاردان، مەگوپلەكستەن، ساندىك توردان جانە قۇرعاق التىن جالتىراقتان جاسالعان. كويلەك پارچا ماتاسىنان، شىلتەرلى تورلى ماتەريالدان، فواميراننان، قاۋىرسىنداردان، ساندىك تاستاردان تىگىلگەن.
سامۇرىق – قازاق مادەنيەتىندە دە، حالقىمىزدىڭ تاريحىندا دا ەلەۋلى ورىن الاتىن ميفتىك قۇس. اڭىزدارعا سۇيەنسەك، سامۇرىق جۇمىرتقاسىنان قايتا تۋىلۋ مۇمكىندىگى بار قۇس، بۇل ءبىزدىڭ كيىمىمىزدىڭ ماڭىزدى اتريبۋتتارىنىڭ ءبىرى بولىپ تابىلادى. سامۇرىق جۇمىرتقاسى قايتا جاندانۋدى جانە بولاشاققا دەگەن ءۇمىتتى بىلدىرەدى.
ءوزىنىڭ سيمۆولدىق كۇشىمەن سامۇرىق قۇسى قازاقستاننىڭ مادەني جانە رۋحاني لاندشافتىنا ءسان بەرىپ، بايىتادى. ول ادەمى قاۋىرسىنداردان جاسالعان التىن توبەمەن بەزەندىرىلگەن سۇلۋ دا، ادەمى باسىن جوعارى ۇستاپ، سول سۇلۋلىعىن ماقتانىشپەن كورسەتەدى.
بۇل جەردە قۇستىڭ باسى – قازاق حالقىنىڭ عاسىرلار بويى الىپ كەلە جاتقان دانالىعىن بەينەلەيدى. ول جارىق، وتتى قاناتىن الەمگە، كۇنگە كەڭ اشتىنىن ايقىنداپ تۇر. قۇستىڭ قاناتى – ءبىزدىڭ بايتاق ەلىمىزدىڭ ۇلان-عايىر كەڭىستىگىنىڭ بەينەسى. سامۇرىقتىڭ قۇيرىعى وتتى سوقپاقتاي سوزىلىپ، التىن ساۋلەلەرمەن جارقىراپ، كۇن نۇرىن شاشىپ تۇرعانداي، حالقىمىزدىڭ تاريحي جادىن بەينەلەيدى.
مەرەكەلىك شارادا وقۋ-اعارتۋ ءمينيسترى عاني بەيسەمبايەۆ مەملەكەت باسشىسى قاسىم-جومارت توقايەۆتىڭ قۇتتىقتاۋ حاتىن وقۋ، بالالارعا ارنايى سىيلىقتار تابىستادى. ارنايى قاپشىقتىڭ ىشىندە بالالارعا ارنالعان سومكە، ايپاد، ەنسيكلوپەديا كىتاپتار توپتاماسى جانە تاتتىلەر بار.
ءار وڭىردەن كەلگەن بالالار 3 كۇن بويى استانانىڭ اسەم جەرلەرىن ارالاپ، تەاترداعى ءتۇرلى قويىلىمداردى تاماشالاعان.
پرەزيدەنت شىرشاسىن قاتىسىپ جاتقان وقۋشىلاردىڭ دا كوڭىل-كۇيى ەرەكشە.
