Prezıdent Qasym-Jomart Toqaev Vıse-prezıdent laýazymy ne úshin qajet ekenin túsindirip, prezıdent saılaýy týraly suraqqa jaýap berdi, dep habarlaıdy Dalanews.kz.

"Keıbir sarapshylar «Konstıtýsıalyq reforma – bılik tranzıtine, Prezıdent saılaýyna daıyndyq» degen pikir aıtyp júr. Jalpy, Vıse-prezıdent laýazymy ne úshin qajet? Osyǵan qatysty pikirińizdi bilsek dep edik", - dep surady jýrnalıser.

"Vıse-prezıdent laýazymy týraly ártúrli áńgime aıtylyp júrgenin bilemin. Shyn máninde, birqatar shet memlekette Vıse-prezıdent laýazymy bar. Keıbir sarapshylar «Qazaqstanda bılik ishinde báseke órship, túrli úrdister júredi, elge zıan keledi» degen pikir bildirýde. Bul máselede qoǵamǵa zardap keletindeı qorqynysh joq. Vıse-prezıdent laýazymy bizdiń bılik ınstıtýttaryn nyǵaıtady. Keleshekte bári aıqyn bolady. Memleket basshysy retinde bul laýazymǵa, jalpy búkil reformaǵa úlken úmit artyp otyrmyn. Al Prezıdent saılaýy qazirgi Konstıtýsıaǵa sáıkes 2029 jyly óz merziminde ótedi", - deıdi prezıdent.