"Qasym-Jomart Toqaev áskeri-saiasi jáne sanktsiialyq teketires saldarynan ýshyǵýy múmkin halyqaralyq ahýalǵa shuǵyl áreket etý qajet ekenin aitty. Bul úshin daǵdarysqa qarsy jedel sharalar jospary qabyldanady", - delingen Aqorda saitynda jariialanǵan aqparatta.
Memleket basshysy yqtimal ekonomikalyq qaýip pen ózge de qaterlerdiń aldyn alý jóninde birqatar naqty tapsyrma berdi.
Sondai-aq, prezident premer-ministr, Ulttyq bank tóraǵasy, syrtqy ister ministri, qorǵanys ministri jáne basqa da vedomstvo basshylarynyń baiandamalaryn tyńdady.
Prezidenttiń baspasóz-hatshysy Toqaevtyń Ýkraina tóńiregindegi jaǵdaidy baqylap otyrǵanyn aitqan.
"Prezident Ýkraina tóńiregindegi jaǵdaidyń órbýin muqiiat qadaǵalap otyr. Bul másele Vladimir Pýtinmen kezdesý barysynda talqylandy. Bizdiń eldiń prezidenti ymyraǵa kelý úshin nátijeli diplomatiialyq kelissózdi jalǵastyrýdy qoldaitynyn jetkizdi", - degen edi Berik Ýáli.
...
Qaýipsizdik keńesiniń otyrysy óter aldynda elimizdiń syrtqy ister ministri Muhtar Tileýberdi Donetsk jáne Lýgansk halyq respýblikalaryna qatysty pikirin bildirgen.
"
Ózderińiz bilesizder, qazir jaǵdai shielenisip bara jatyr. Keshe Resei prezidenti Donetsk pen Lýgansk halyq respýblikalaryn moiyndaý týraly sheshim qabyldady. Sondyqtan qazirgi jaǵdai óte kúrdeli. Al Qazaqstannyń resmi ustanymy qazir talqylanyp jatyr", - dep jaýap berdi Tileýberdi úkimet kýlýarynda.
Jýrnalister "Qazaqstan eki respýblikanyń táýelsizdigin moiyndai ma?" dep surady.
"Ondai másele turǵan joq. Biz halyqaralyq quqyq negizderi men BUU ustanymdaryn ustanamyz", - dedi ministr.
"Beitaraptyqty saqtaisyzdar ǵoi?" dep naqtylady BAQ ókilderi.
"Árine", - dedi Tileýberdi.
Oqymai ótip ketpeńiz:
https://dalanews.kz/sadak/73720-putin-donecki-men-luganskini-moyynda
