"قاسىم-جومارت توقايەۆ اسكەري-ساياسي جانە سانكسيالىق تەكەتىرەس سالدارىنان ۋشىعۋى مۇمكىن حالىقارالىق احۋالعا شۇعىل ارەكەت ەتۋ قاجەت ەكەنىن ايتتى. بۇل ءۇشىن داعدارىسقا قارسى جەدەل شارالار جوسپارى قابىلدانادى"، - دەلىنگەن اقوردا سايتىندا جاريالانعان اقپاراتتا.
مەملەكەت باسشىسى ىقتيمال ەكونوميكالىق ءقاۋىپ پەن وزگە دە قاتەرلەردىڭ الدىن الۋ جونىندە ءبىرقاتار ناقتى تاپسىرما بەردى.
سونداي-اق، پرەزيدەنت پرەمەر-مينيستر، ۇلتتىق بانك ءتوراعاسى، سىرتقى ىستەر ءمينيسترى، قورعانىس ءمينيسترى جانە باسقا دا ۆەدومستۆو باسشىلارىنىڭ باياندامالارىن تىڭدادى.
پرەزيدەنتتىڭ ءباسپاسوز-حاتشىسى توقايەۆتىڭ ۋكراينا توڭىرەگىندەگى جاعدايدى باقىلاپ وتىرعانىن ايتقان.
"پرەزيدەنت ۋكراينا توڭىرەگىندەگى جاعدايدىڭ ءوربۋىن مۇقيات قاداعالاپ وتىر. بۇل ماسەلە ۆلاديمير پۋتينمەن كەزدەسۋ بارىسىندا تالقىلاندى. ءبىزدىڭ ەلدىڭ پرەزيدەنتى ىمىراعا كەلۋ ءۇشىن ناتيجەلى ديپلوماتيالىق كەلىسسوزدى جالعاستىرۋدى قولدايتىنىن جەتكىزدى"، - دەگەن ەدى بەرىك ءۋالي.
...
قاۋىپسىزدىك كەڭەسىنىڭ وتىرىسى وتەر الدىندا ەلىمىزدىڭ سىرتقى ىستەر ءمينيسترى مۇحتار تىلەۋبەردى دونەسك جانە لۋگانسك حالىق رەسپۋبليكالارىنا قاتىستى پىكىرىن بىلدىرگەن.
"
وزدەرىڭىز بىلەسىزدەر، ءقازىر جاعداي شيەلەنىسىپ بارا جاتىر. كەشە رەسەي پرەزيدەنتى دونەسك پەن لۋگانسك حالىق رەسپۋبليكالارىن مويىنداۋ تۋرالى شەشىم قابىلدادى. سوندىقتان قازىرگى جاعداي وتە كۇردەلى. ال قازاقستاننىڭ رەسمي ۇستانىمى ءقازىر تالقىلانىپ جاتىر"، - دەپ جاۋاپ بەردى تىلەۋبەردى ۇكىمەت كۋلۋارىندا.
جۋرناليستەر "قازاقستان ەكى رەسپۋبليكانىڭ تاۋەلسىزدىگىن مويىنداي ما؟" دەپ سۇرادى.
"ونداي ماسەلە تۇرعان جوق. ءبىز حالىقارالىق قۇقىق نەگىزدەرى مەن بۇۇ ۇستانىمدارىن ۇستانامىز"، - دەدى مينيستر.
"بەيتاراپتىقتى ساقتايسىزدار عوي؟" دەپ ناقتىلادى ب ا ق وكىلدەرى.
"ارينە"، - دەدى تىلەۋبەردى.
وقىماي ءوتىپ كەتپەڭىز:
https://dalanews.kz/sadak/73720-putin-donecki-men-luganskini-moyynda
