Májilis depýtaty Ashat Aimaǵambetov Prezident qol qoiǵan jańa zańda qandai ózgerister baryn túsindirdi, dep habarlaidy Dalanews.kz.
Jańa zań daryndy jastardy qoldap, memlekettik tildi damytýǵa múmkindik jasap, jasandy intellektpen úilestirip, bilim berý júiesin jetildirýge baǵyttalǵan.
Endi eń bedeldi halyqaralyq ǵylymi jarystarda jeńimpaz atanǵan oqýshylar UBT tapsyrmai-aq memlekettik grantpen ýniversitetke túse alady. Bul olardyń elde bilim alyp, Qazaqstannyń damýyna úles qosýyna jol ashady. Buryn mundai múmkindik tek olimpiada jeńimpazdaryna ǵana beriletin.
«Bolashaq» baǵdarlamasy keńeitilip, endi bakalavriat deńgeiinde de beriledi. Buryn «Bolashaq» stipendiiasy tek magistratýra men doktorantýraǵa arnalǵan bolsa, endi halyqaralyq olimpiada jeńimpazdary bakalavriat deńgeiinde de oqý múmkindigine ie bolady.
Qazaq tili úshin jańa tsifrlyq platforma jasalady. Qazaq tiliniń tsifrlyq ulttyq sózdik qory jáne ulttyq til korpýsy zańmen retteldi. Bul jasandy intellektterdiń (ChatGPT, Alisa jáne t.b.) qazaq tilinde sapaly jumys isteýine múmkindik beredi. Memleket basshysy Q. Toqaev bul mańyzdy máseleni óz baqylaýynda ustaýda.
Qazaq tiliniń barlyq normalary men erejeleri onlain ashyq júiede qoljetimdi bolady. Bul bastamanyń basty maqsaty – qazaq tilin jasandy intellektpen úilestirý jáne tsifrlyq álemde onyń sapaly jumys isteýine jaǵdai jasaý.
Tsifrlyq sózdik qordyń mańyzy:
- Jasandy intellekt úshin baza:Bul sózdik qor jasandy intellektke qazaq tilinde durys sóileýdi, sózderdi kontekstke sai qoldanýdy úiretedi.
- Kúndelikti qoldanys: Ashyq aqparattyq júie arqyly kez kelgen azamat sózderdiń durys emlesin, naqty maǵynasyn ońai taba alady.
- Bilim berý: Oqýshylar, stýdentter men muǵalimderge sapaly sózdikter men anyqtamalyqtarǵa qol jetkizý múmkindigi beriledi. Bul oqý men oqytý úderisin jeńildetedi.
Tsifrlyq sózdik qor – bul jai ǵana sózderdiń tizimi emes. Bul – tildi túsinetin, ony durys qoldana alatyn intellektýaldy platforma.
