مەجٸلٸس دەپۋتاتى اسحات ايماعامبەتوۆ پرەزيدەنت قول قويعان جاڭا زاڭدا قانداي ٶزگەرٸستەر بارىن تٷسٸندٸردٸ, دەپ حابارلايدى Dalanews.kz.
جاڭا زاڭ دارىندى جاستاردى قولداپ, مەملەكەتتٸك تٸلدٸ دامىتۋعا مٷمكٸندٸك جاساپ, جاساندى ينتەللەكتپەن ٷيلەستٸرٸپ, بٸلٸم بەرۋ جٷيەسٸن جەتٸلدٸرۋگە باعىتتالعان.
ەندٸ ەڭ بەدەلدٸ حالىقارالىق عىلىمي جارىستاردا جەڭٸمپاز اتانعان وقۋشىلار ۇبت تاپسىرماي-اق مەملەكەتتٸك گرانتپەن ۋنيۆەرسيتەتكە تٷسە الادى. بۇل ولاردىڭ ەلدە بٸلٸم الىپ, قازاقستاننىڭ دامۋىنا ٷلەس قوسۋىنا جول اشادى. بۇرىن مۇنداي مٷمكٸندٸك تەك وليمپيادا جەڭٸمپازدارىنا عانا بەرٸلەتٸن.
«بولاشاق» باعدارلاماسى كەڭەيتٸلٸپ, ەندٸ باكالاۆريات دەڭگەيٸندە دە بەرٸلەدٸ. بۇرىن «بولاشاق» ستيپەنديياسى تەك ماگيستراتۋرا مەن دوكتورانتۋراعا ارنالعان بولسا, ەندٸ حالىقارالىق وليمپيادا جەڭٸمپازدارى باكالاۆريات دەڭگەيٸندە دە وقۋ مٷمكٸندٸگٸنە يە بولادى.
قازاق تٸلٸ ٷشٸن جاڭا تسيفرلىق پلاتفورما جاسالادى. قازاق تٸلٸنٸڭ تسيفرلىق ۇلتتىق سٶزدٸك قورى جەنە ۇلتتىق تٸل كورپۋسى زاڭمەن رەتتەلدٸ. بۇل جاساندى ينتەللەكتتەردٸڭ (ChatGPT, اليسا جەنە ت.ب.) قازاق تٸلٸندە ساپالى جۇمىس ٸستەۋٸنە مٷمكٸندٸك بەرەدٸ. مەملەكەت باسشىسى ق. توقاەۆ بۇل ماڭىزدى مەسەلەنٸ ٶز باقىلاۋىندا ۇستاۋدا.
قازاق تٸلٸنٸڭ بارلىق نورمالارى مەن ەرەجەلەرٸ ونلاين اشىق جٷيەدە قولجەتٸمدٸ بولادى. بۇل باستامانىڭ باستى ماقساتى – قازاق تٸلٸن جاساندى ينتەللەكتپەن ٷيلەستٸرۋ جەنە تسيفرلىق ەلەمدە ونىڭ ساپالى جۇمىس ٸستەۋٸنە جاعداي جاساۋ.
تسيفرلىق سٶزدٸك قوردىڭ ماڭىزى:
- جاساندى ينتەللەكت ٷشٸن بازا:بۇل سٶزدٸك قور جاساندى ينتەللەكتكە قازاق تٸلٸندە دۇرىس سٶيلەۋدٸ, سٶزدەردٸ كونتەكستكە ساي قولدانۋدى ٷيرەتەدٸ.
- كٷندەلٸكتٸ قولدانىس: اشىق اقپاراتتىق جٷيە ارقىلى كەز كەلگەن ازامات سٶزدەردٸڭ دۇرىس ەملەسٸن, ناقتى ماعىناسىن وڭاي تابا الادى.
- بٸلٸم بەرۋ: وقۋشىلار, ستۋدەنتتەر مەن مۇعالٸمدەرگە ساپالى سٶزدٸكتەر مەن انىقتامالىقتارعا قول جەتكٸزۋ مٷمكٸندٸگٸ بەرٸلەدٸ. بۇل وقۋ مەن وقىتۋ ٷدەرٸسٸن جەڭٸلدەتەدٸ.
تسيفرلىق سٶزدٸك قور – بۇل جاي عانا سٶزدەردٸڭ تٸزٸمٸ ەمەس. بۇل – تٸلدٸ تٷسٸنەتٸن, ونى دۇرىس قولدانا الاتىن ينتەللەكتۋالدى پلاتفورما.
