Saryaǵash aýdany bilim bólimine qarasty №30 S.Toraiǵyrov mektebiniń 4-synyp oqýshysy Hiýaz Arshabai jýyrda erekshe oqiǵaǵa tap boldy,– dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Hiýaz kópbalaly otbasynan shyqqan altynshy qyz. Barlyǵy da óner-bilimge bir taban jaqyn, izdenimpaz. «Prezident balalardyń armanyn oryndaidy» degen áleýmettik jelidegi jazbany oqyǵan ol, óz armanyn hatqa túsirip, Memleket basshysyna joldap, Qasym-Jomart Toqaevtan syilyq aldy.
Prezidentke jazǵan hatynda ol baýyrlaryna arnap noýtbýk sonymen qatar Memleket basshysymen júzdesýdi jazǵan bolatyn. Aldaǵy ýaqytta ol bilimin arttyryp, Prezidentpen kezdesýdi maqsat etkenin aitty.
Hiýaz Arshabaidyń hatynda ózindik armany jazylǵan. Bul hat Memleket basshysy Qasym-Jomart Toqaevtyń nazarynan tys qalmady jáne ol Hiýazǵa óz atynan syilyq joldady. Elordadan kelgen syilyqty Túrkistan oblystyq bilim basqarmasynyń mamandary tabystady. Prezidenttiń bul jaýaby – Hiýaz úshin úlken qýanysh.
Saryaǵashtyq oqýshy qyz tek oqý úlgerimi jaǵynan ǵana emes, shyǵarmashylyq jáne intelektýaldyq qabiletterimen de erekshelenedi. Mektep basshysy Hiýazdy mektebiniń maqtanyshy jáne bolashaqta qoǵamǵa paidasy tietin azamat retinde kóretinin jetkizdi. Bul oqiǵa mektep ujymyn erekshe qýanyshqa bóledi. Hiýazdyń jetistigi – tek onyń jeke eńbegi emes, mektebi men anasynyń únemi qoldaýynyń nátijesi.
