Qazaqstan Prezidenti Qasym-Jomart Toqaev Qazaqstan halqy Assambleiasynyń XXXII sessiiasynda sóilegen sózinde eldiń saiasi, ekonomikalyq jáne qoǵamdyq damýyndaǵy eleýli ózgeristerge nazar aýdardy, dep habarlaidy Dalanews.kz.
"Sońǵy jyldary elimizdiń saiasi-ideologiialyq kelbeti túbegeili ózgeriske ushyrady. Ekonomikada júieli reformalar iske qosyldy. Eń bastysy – qoǵamnyń sana-sezimi jańaryp, biz zamanaýi ári ilgeri qoǵamǵa ainaldyq", – dedi Memleket basshysy.
Prezident atap ótkendei, bul ózgerister etnosaralyq qatynastar men qoǵamdyq kelisim salasyna da tyń mindetter júkteidi. Osyǵan bailanysty ol Qazaqstan halqy Assambleiasynyń róline jańasha kózqaras qajet ekenin jetkizdi.
"Assambleia memlekettiń etnosaralyq saladaǵy saiasatty úilestiretin strategiialyq ortalyqqa ainalýy tiis. Bizge eski tásilderge qaita oralýdyń qajeti joq. Onyń ornyna jetken jetistikterimiz ben ketken kemshilikterdi saralap, jańa mazmun qalyptastyrýymyz kerek", – dedi Qasym-Jomart Toqaev.
Memleket basshysy ultaralyq kelisim men turaqtylyqty qoǵam damýynyń basty negizi dep atady. Onyń aitýynsha, kelisim men tózimdilik tek uranǵa ainalmaýy kerek – bul halqymyzdyń kúndelikti ómir saltyna ainalǵan qundylyqtar bolýy tiis.
"Etnosaralyq jáne konfessiiaaralyq qatynastar eshqashan saiasattyń quraly nemese arandatý amalyna ainalmaýǵa tiis. Bul – memleket pen búkil qoǵam úshin buljymas ustanym", – dedi Prezident.
Sóz sońynda Prezident ákimderge ultaralyq kelisimge arnalǵan kezdesýlerdi júieli túrde ótkizip otyrýdy tapsyrdy. Sondai-aq ortalyq jáne jergilikti atqarýshy organdar bul baǵytty únemi basty nazarda ustaýy kerektigin qadap aitty.
