Prezident Almaty oblysy ekonomikasynyń mańyzdy salalaryn atap kórsetti
Tekeli taý-ken óndirisiniń kesheninde bolǵan Memleket basshysy kásiporynnyń jumysymen tanysty. Qazaqstan Prezidentine innovatsiialyq tehnologiialardy qoldana otyryp, qaita balqytylǵan shoiyn alý arqyly temir rýdasyn óndirý jáne óńdeý jónindegi jobanyń iske asyrylý barysy baiandaldy. Sondai-aq, Prezident Taldyqorǵan áýejaiyndaǵy qaita jóndeý jumystarynyń qalai júrip jatqanyn da nazardan tys qaldyrǵan joq. Jergilikti bilik oryndary ushý-qoný jolaǵyn jańartý jumysy, áýejaidy jáne óńirdiń týristik infraqurylymyn damytý basym baǵyttaryn jaiynda baiandady.
Prezident Taldyqorǵandaǵy kópsalaly aýrýhanasy qyzmetkerlerimen kezdesip, densaýlyq saqtaý júiesin damytýdyń basty baǵyttary jaiynda óz oiyn ortaǵa saldy. Óz kezeginde aýrýhana qyzmetkerleri Elbasy júrgizip júrgizilip jatqan áleýmettik saiasatqa qoldaý bildirip, densaýlyq saqtaý salasyna kórsetilip otyrǵan qamqorlyq úshin alǵystaryn aitty.
Prezidenti Almaty oblysyna jumys sapary barysynda Oqýshylar saraiyna da baryp, biologiia, fizika kabinetterin, tehnikalyq shyǵarmashylyq modelderi kórmesin, horeografiia zalyn, úlken kontsert zalyn aralap kórip, kórkemóner galereiasyndaǵy sýretter ekspozitsiiasymen tanysty. Oqýshylar saraiynyń qyzmetkerleri Elbasy nazaryna án jáne bi óneri boiynsha balalardyń kontserttik nómirleri usyndy. Budan bólek, Nursultan Nazarbaev Oqýshylar saraiyna keletin balalarmen jáne olardyń ata-analarymen áńgimelesip, shyǵarmashylyq tabys pen baq-bereke tiledi. Sońynda Memleket basshysy Oqýshylar saraiyna jaily avtobýs tartý etti. Ǵimarattyń jalpy alańy – 13 myń sharshy metrden astam. Mekeme infraqurylymy sheberhana, zerthana, kórme jáne májilis zaldaryn, sondai-aq mýzei, mediateka, dybys jazý stýdiiasy men observatoriiany qamtidy.
Memleket basshysy Nursultan Nazarbaev Almaty oblysyna sapary jumys sapary barysynda Taldyqorǵan qalasyndaǵy Jastarǵa qyzmet kórsetý ortalyǵynda boldy. Ortalyqtyń jumysymen, óńirdegi jastar saiasatynyń negizgi baǵyttarymen jáne basty memlekettik baǵdarlamalardyń iske asyrýǵa negiz bolyp otyr.
Budan bólek, Memleket basshysy kóp fýnktsionaldy zaldy aralap kórip, onda Jarkent-Qorǵas aglomeratsiiasynyń qala qurylysy turǵysynan damýynyń keshendi josparymen, sondai-aq jańa Nurkent qalasynyń bas josparymen tanysty.
Jetisýǵa jasaǵan jumys saparynyń qorytyndysynda Prezident:
– Oblystyń shekara boiynda ornalasýy ekonomikanyń kólik-logistika jáne elektr energetikasy salalaryn damytý qajettigin talap etedi. Búginde memlekettik baǵdarlamalardyń iske asyrylyp, meniń tapsyrmalarymdy oblys ákiminiń tiianaqty oryndaýynyń arqasynda bul salalar qarqyndy damýda. Óńirdiń áleýmettik baǵdarlamalardy júzege asyrýdaǵy tabystaryn da aitpai ketýge bolmaidy. Sonymen birge halqymyzdyń táýelsizdik jyldaryndaǵy basty jetistiginiń taǵy biri – beibitshilik pen ultaralyq kelisimniń saqtalýy dep sanaimyn, – dedi Qazaqstan Prezidenti.
Qala turǵyndary oblysqa qamqorlyǵy jáne halyqtyń ál-aýqatyn arttyrýǵa baǵyttalǵan tiimdi memlekettik saiasaty úshin Elbasyǵa alǵystaryn aitty. Sońynda Nursultan Nazarbaev barshaǵa zor densaýlyq jáne eńbekterine tabys tiledi. Budan bólek, Qazaqstan Prezidenti buqaralyq aqparat quraldarynyń ókilderi úshin Almaty oblysyna saparynyń qorytyndysy boiynsha brifing ótkizdi. Elbasy óziniń 2014 jyly bergen tapsyrmalarynyń ýaqtyly oryndalyp jatqanyn atap ótti.
– Almaty oblysy – elimizdiń kórikti óńiriniń biri jáne aýyl sharýashylyǵy daqyldarynyń kóptegen túrin óndiretin asa mańyzdy aimaq. Jańa áleýmettik infraqurylym nysandarynyń paidalanýǵa berilýi elimizdiń táýelsizdiginiń 25 jyldyǵy qarsańynda qala turǵyndary úshin tamasha syilyq boldy. Indýstriialandyrý baǵdarlamasy men «Nurly jol» baǵdarlamasynyń odan ári iske asyrylýy ekonomikamyzdyń damýyna, soǵan orai halyqtyń turmys deńgeiiniń artýyna septigin tigizedi, – dedi Memleket basshysy.
Derekkózi: Qazaqparat
