Ulttyq ekonomika ministrligi men salalyq memlekettik organdar kommýnaldyq qyzmetter tarifteri men baǵalarynyń negizsiz ósýin baqylaýy tiis. Bul týraly premer-ministr Oljas Bektenov úkimet otyrysy barysynda aitty, dep habarlaidy Dalanews.kz.
Kabmin músheleri aldynda sóilegen Bektenov qarasha aiynda jyldyq infliatsiia 8,4 paiyzǵa deiin baiaýlaǵanyn eske saldy. Premer-ministr infliatsiia deńgeiin baqylaý jáne tómendetý boiynsha sharalar josparyn oryndaý úshin qajetti barlyq jumysty atqarýdy tapsyrdy.
«Baǵalar máselesiniń áleýmettik mańyzdylyǵyn eskere otyryp, ony qatań baqylaýda ustaýdy suraimyn. Eger óńirler tiisti sharalardy qabyldamasa, Serik Makashuly Jumanǵaringe (premer-ministrdiń orynbasary – red.) maǵan jedel túrde baiandap otyrýdy tapsyramyn. Bul jumysta bar mehanizmderdi belsendi paidalaný qajet: turaqtandyrý qorlary, forvardtyq kelisimsharttar, sýbsidiialaý. Budan bólek, importqa táýeldi ónim óndirisin keńeitý kerek. Infliatsiia deńgeiin baqylaý jáne tómendetý sharalary josparyn oryndaý úshin barlyq qajetti sharalardy qabyldaǵan jón. Biz ekonomika ósiminiń oń dinamikasyn saqtap qalýymyz qajet. Ministrler men ákimderge bólingen qarajattyń tolyq ári ýaqtyly igerilýin erekshe baqylaýǵa alýdy tapsyramyn», – dedi Bektenov.
Sonymen qatar, premer-ministr salalyq ministrlikter men óńirlerge «Investitsiiaǵa aiyrbas tarif» baǵdarlamasyn tiisti deńgeide iske asyrýdy qamtamasyz etýdi tapsyrdy.
«Tariftik saiasatty teńgerimdi túrde jalǵastyrý da mańyzdy, sebebi ol tutynýshylyq naryqtardaǵy baǵalardyń ósýine áser etedi. Ulttyq ekonomika ministrligi men salalyq memlekettik organdar ekonomikalyq jáne áleýmettik quramdas arasyndaǵy tepe-teńdikti saqtai otyryp, kommýnaldyq qyzmetter tarifteri men baǵalarynyń negizsiz ósýin baqylaýy tiis. Ekonomikalyq saiasat jónindegi keńes belgilegen tarifter men retteletin qyzmetter baǵalarynyń infliatsiiaǵa minimaldy áser etýin qamtamasyz etýdi tapsyramyn», – dep qorytyndylady Oljas Bektenov.
