Premer-mınıstr Oljas Bektenov poıyzdardyń keshigý sebepterin anyqtaý úshin "Qazaqstan temir joly" basshysynan jaýap aldy, dep habarlaıdy Dalanews.kz.
Úkimet otyrysynda premer-mınıstr Oljas Bektenov jolaýshylar poıyzdarynyń keshigýine qatysty másele kóterdi.
"Sońǵy ýaqytta turǵyndar tarapynan poıyzdardyń keshigýi jóninde kóptegen shaǵymdar túsip jatyr. Bul máselege qandaı sharalar qabyldanyp jatyr?" — dep surady ol "QTJ" basshysynan.
"Qazaqstan temir joly" UK" AQ basqarma tóraǵasy Nurlan Saýranbaev keshigýlerdiń negizinen jol jóndeý jumystaryna baılanysty ekenin túsindirdi.
"Jol jóndeý jumystary men jolaýshylardyń qaýipsizdigi basty nazarda tur. Sońǵy eki jylda jóndeý jumystarynyń kólemi 2-3 ese artty. Jolaýshylardan týyndaǵan qolaısyzdyq úshin keshirim suraımyz", — dedi Saýranbaev.
