پرەمەر-مينيستر ولجاس بەكتەنوۆ پويىزداردىڭ كەشٸگۋ سەبەپتەرٸن انىقتاۋ ٷشٸن "قازاقستان تەمٸر جولى" باسشىسىنان جاۋاپ الدى, دەپ حابارلايدى Dalanews.kz.
ٷكٸمەت وتىرىسىندا پرەمەر-مينيستر ولجاس بەكتەنوۆ جولاۋشىلار پويىزدارىنىڭ كەشٸگۋٸنە قاتىستى مەسەلە كٶتەردٸ.
"سوڭعى ۋاقىتتا تۇرعىندار تاراپىنان پويىزداردىڭ كەشٸگۋٸ جٶنٸندە كٶپتەگەن شاعىمدار تٷسٸپ جاتىر. بۇل مەسەلەگە قانداي شارالار قابىلدانىپ جاتىر?" — دەپ سۇرادى ول "قتج" باسشىسىنان.
"قازاقستان تەمٸر جولى" ۇك" اق باسقارما تٶراعاسى نۇرلان ساۋرانباەۆ كەشٸگۋلەردٸڭ نەگٸزٸنەن جول جٶندەۋ جۇمىستارىنا بايلانىستى ەكەنٸن تٷسٸندٸردٸ.
"جول جٶندەۋ جۇمىستارى مەن جولاۋشىلاردىڭ قاۋٸپسٸزدٸگٸ باستى نازاردا تۇر. سوڭعى ەكٸ جىلدا جٶندەۋ جۇمىستارىنىڭ كٶلەمٸ 2-3 ەسە ارتتى. جولاۋشىلاردان تۋىنداعان قولايسىزدىق ٷشٸن كەشٸرٸم سۇرايمىز", — دەدٸ ساۋرانباەۆ.
