Májilis depýtaty ári tanymal zańger Abzal Quspan Qyzylorda-Astana baǵytyndaǵy poiyzdyń dárethanasynda bosanyp, sábiin terezeden laqtyryp jibergen boijetkenge qatysty qylmystyq jaýapkershilik týraly pikir bildirdi, dep habarlaidy Dalanews.kz.
Onyń aitýynsha, bul is birneshe bap boiynsha qarastyrylýy múmkin.
“Eger áiel psihikalyq turǵydan saý bolyp, sanaly túrde áreket etse, bul is adam óltirý babymen qaralyp, asa aýyr qylmystar sanatyna enedi. Mundai jaǵdaida ádette 10 jyldan joǵary jaza kesiledi”, — dedi depýtat.
Alaida eger áiel bosaný kezinde erekshe jan kúizelisi (affekt) jaǵdaiynda bolsa, bul ortasha aýyr qylmys retinde baǵalanýy múmkin.
“Bul jaǵdaida shartty jaza nemese bas bostandyǵyn shekteý jazasy taǵaiyndalýy yqtimal. Sondyqtan túpkilikti sheshim tiisti saraptamalar — sot-meditsinalyq, sot-psihiatriialyq jáne psihologiialyq saraptamalar qorytyndysynan keiin ǵana belgili bolady”, — dep naqtylady Quspan.
Qazirgi ýaqytta bul oqiǵa qoǵamda úlken rezonans týdyryp otyr. Saraptamalar nátijesi istiń qalai baǵalanatynyn anyqtaidy.
