مەجٸلٸس دەپۋتاتى ەرٸ تانىمال زاڭگەر ابزال قۇسپان قىزىلوردا-استانا باعىتىنداعى پويىزدىڭ دەرەتحاناسىندا بوسانىپ, سەبيٸن تەرەزەدەن لاقتىرىپ جٸبەرگەن بويجەتكەنگە قاتىستى قىلمىستىق جاۋاپكەرشٸلٸك تۋرالى پٸكٸر بٸلدٸردٸ, دەپ حابارلايدى Dalanews.kz.
ونىڭ ايتۋىنشا, بۇل ٸس بٸرنەشە باپ بويىنشا قاراستىرىلۋى مٷمكٸن.
“ەگەر ەيەل پسيحيكالىق تۇرعىدان ساۋ بولىپ, سانالى تٷردە ەرەكەت ەتسە, بۇل ٸس ادام ٶلتٸرۋ بابىمەن قارالىپ, اسا اۋىر قىلمىستار ساناتىنا ەنەدٸ. مۇنداي جاعدايدا ەدەتتە 10 جىلدان جوعارى جازا كەسٸلەدٸ”, — دەدٸ دەپۋتات.
الايدا ەگەر ەيەل بوسانۋ كەزٸندە ەرەكشە جان كٷيزەلٸسٸ (اففەكت) جاعدايىندا بولسا, بۇل ورتاشا اۋىر قىلمىس رەتٸندە باعالانۋى مٷمكٸن.
“بۇل جاعدايدا شارتتى جازا نەمەسە باس بوستاندىعىن شەكتەۋ جازاسى تاعايىندالۋى ىقتيمال. سوندىقتان تٷپكٸلٸكتٸ شەشٸم تيٸستٸ ساراپتامالار — سوت-مەديتسينالىق, سوت-پسيحياترييالىق جەنە پسيحولوگييالىق ساراپتامالار قورىتىندىسىنان كەيٸن عانا بەلگٸلٸ بولادى”, — دەپ ناقتىلادى قۇسپان.
قازٸرگٸ ۋاقىتتا بۇل وقيعا قوعامدا ٷلكەن رەزونانس تۋدىرىپ وتىر. ساراپتامالار نەتيجەسٸ ٸستٸڭ قالاي باعالاناتىنىن انىقتايدى.
