Poiyzda ishimdik ishken jolaýshylarǵa ákimshilik jaýapqa tartyldy, dep habarlaidy Dalanews.kz.
Polisia.kz málimetinshe, Túrkistan stantsiiasyndaǵy jelilik politsiia bóliminiń qyzmetkerleri Oral-Almaty baǵytyndaǵy jolaýshylar poiyzynda zań buzǵandardy anyqtady.
Tekseris barysynda 40 jáne 43 jastaǵy Qyrǵyz Respýblikasynyń azamattary poiyzda ishimdik iship, balaǵat sózder aityp, jolaýshylardyń tynyshtyǵyn buzǵanyn anyqtady.
Quqyqbuzýshylar poiyzdan shyǵarylyp, politsiia bólmesine jetkizildi. Olar ishimdik ishkeni jáne usaq buzaqylyq jasaǵany úshin ákimshilik jaýapkershilikke tartylyp, árqaisysyna 25 AEK (92 300, 1 AEK – 3 692 teńge) aiyppul salyndy.
Aita keteiik, jyl basynan beri kóliktegi politseiler túrli ákimshilik quqyqbuzýshylyq jasaǵan 77 834 azamatty jaýapqa tartty. Onyń ishinde ishimdik ishkeni úshin 6 151 adam, usaq buzaqylyq jasaǵan 646 adam zań aldynda jaýap berdi.
