Almaty oblysy Talǵar qalasynda tergeý izoliatorynan qashyp ketken kúdikti qalai kameraǵa túsip qalǵany belgili boldy, - dep habarlaidy Dalanews.kz.
Aqparatqa súiensek, er adamdy áldekimder dúkende kórip qalǵan. Artynsha ony izdeýge politsiia drony bar adamdy jumyldyrǵan.
Aita keteiik, keshe Almaty oblysynda tergeý izoliatorynan qashyp ketken kúdikti ustaldy.
"Jedel izdestirý is-sharalary nátijesinde 21 qazanda ýaqytsha ustaý izoliatorynan qashqan kúdikti Tereńqara aýylynyń shetinde ustaldy", - dep habarlady politsiia.
Izdestirý jumystary bastalǵan sátten bastap politsiianyń barlyq kúshi jumyldyryldy, sondai-aq, izdeý sharalaryna qoǵamdyq kómekshiler, eriktiler men oblys turǵyndary tarapynan qurylǵan erikti jasaqtar belsendi túrde atsalysty.
Kúdikti qaitadan ýaqytsha ustaý izoliatoryna qamaldy.
"Oǵan jasalǵan negizgi qylmysqa qosymsha qamaýdan qashqany úshin aiyp taǵylady", - dep jazylǵan habarlamada.
Politsiia izdeý sharalaryna qoldaý kórsetken azamattarǵa alǵys bildirdi.
