Politsiia 27 qazan kúni saǵat 20:00-de 102 pýltine Penjim kentinde mektep oqýshylary arasyndaǵy tóbeleske qatysýshylardyń biriniń úiiniń janynda 30-ǵa jýyq adam jinalǵany týraly aqparat kelip túskenin rastady. Adamdar toby birqatar jeke úilerdiń áinekterin, sondai-aq birneshe avtokólikti syndyrǵan.
Atalǵan fakti boiynsha QR QK 293-babynyń 2-bóligi boiynsha qylmystyq is qozǵaldy (adamdar tobymen jasalǵan buzaqylyq).
Sondai-aq saǵat 22:45-te Panfilov APB kezekshi bólimine Pedjim kentindegi jańa salynǵan úiler ornalasqan jerdegi úiden órt shyqqany týraly habarlama kelip tústi. Órt ornyna aýdandyq politsiia bólimi men TJB kezekshi nariadtary keldi.
Úi iesiniń aitýynsha, órt pesh júiesiniń durys jumys istemeýi saldarynan oryn alǵan. Saǵat 23.30 shamasynda órt aýyzdyqtaldy. Zardap shekkender joq. Bul órttiń bolǵan oqiǵaǵa esh qatysy joq.
Kentte qoǵamdyq tártip qamtamasyz etilip, jaǵdai baqylaýda. Almaty oblysynyń Politsiia departamenti jalǵan aqparat taratqany úshin qylmystyq jaýapkershilik qarastyrylǵanyn eskertedi, dep habarlady Almaty oblysy PD baspasóz qyzmeti.
https://dalanews.kz/del-qazir/69428-penzhimde-soqqyga-zhygylgan-oqushynyng-zh
