Ońtústik Qazaqstan oblysynda toı kortedjimen birge ushqan tikushaqty jergilikti patrúldik polısıa izdestirýde.  Bul týraly oblystyq ishki ister departamenti baspasóz qyzmetiniń jetekshisi Saltanat Qarakózova málim etti, – dep habarlaıdy «QazAqparat».

Saltanat Begimbaıqyzynyń sózinshe, qazir JPP qyzmetkerleri barlyq beıne túsirilimderdi qarap shyǵyp, ondaǵy kólikterdiń kimge tıesili ekenin anyqtaýda. Sondaı-aq beınejazbadaǵy tikushaq ta polıseılerdiń basty nazaryna alynǵan.

Áýe kemesiniń tym tómen ári kólikterge jaqyn ushýy qanshalyqty tıisti talaptarǵa saı keletini tekseriletin bolady.

Al, ázirge tikushaqtyń kortedjben birge júrýi barlyq áleýmettik jelilerdi shýlatyp jatyr. Beınejazbaǵa qaraǵanda, Bentley, Lexus jáne  Land Cruiser kólikterin jaldaǵan toı ıesi baı, aýqatty bolýy múmkin. Sondyqtan tártip saqshylaryna olardy tabý asa qıynǵa soǵa qoımas.

 

https://dalanews.kz/29149