Polıseıler Eýropadan Qazaqstanǵa keletin qaýipti keseldiń jolyn kesti

Qarakóz Amantaı 13 aqp. 2024 09:40 1298

Almatyda esirtki qylmysyna qarsy is-qımyl bóliminiń qyzmetkerleri Italıa men Polshadan Qazaqstanǵa jetkiziletin kokaın arnasynynyń jolyn kesti, dep habarlaıdy Dalanews.kz.

Ońtústik astanada jalǵa alynǵan páterde salmaǵy 250 gram kokaın tárkilendi. Ol kofe túrinde plasıkalyq kapsýlalarǵa jasyrylǵan.

Budan ári "Qazposhta" bólimshesinde fıgýrantqa tıesili sálemdemeni tárkileý boıynsha tergeý sharalary júrgizildi. Odan jalpy salmaǵy shamamen 1 keli esirtki zattary bar plasıkalyq bankalar tabyldy, onyń ishinde 0,5 keli kokaın jáne 400 gramnan astam ekstazı bolǵan. Bul úsh myńnan astam bir rettik dozany quraıdy.

Anyqtalǵandaı, ustalǵan sheteldik azamat kýrer fýnksıasyn úsh aıǵa jýyq oryndap kelgen, al Almatyǵa sharýashylyq taýar retinde jasyrylǵan poshta sálemdemeleri arqyly esirtkiniń sırek túrlerin satý maqsatynda ǵana kelgen.

"Ustalǵan adamǵa qatysty esirtki zattaryn ótkizý maqsatynda asa iri mólsherde zańsyz satyp alý jáne saqtaý faktisi boıynsha sotqa deıingi tergep-tekserý amaldary júrgizilip jatyr. Kúdikti qamaýǵa alyndy. Ózge aqparat tergeý múddesi úshin jarıa etilmeıdi, – dedi İİM esirtki qylmysyna qarsy is-qımyl departamenti bastyǵynyń orynbasary Baqytjan Ámirhanov.

Eske sala keteıik, bul qylmystar úshin múlki tárkilenip, on jyldan on bes jylǵa deıingi merzimge bas bostandyǵynan aıyrý jazasy qarastyrylady.


Usynylǵan
Sońǵy jańalyqtar
x