Polshada qazaqstandyq áskeri diplomat ustalǵan, dep habarlaidy Dalanews.kz.
Qorǵanys ministrligi Halyqaralyq qatynastar ortalyǵy qazaqstandyq áskeri attasheniń apparat qyzmetkerin Polsha quqyq qorǵaý organdary ustaǵanyn rastady.
"Qazir bul jaǵdaidy sheshý úshin sheteldik tarappen ózara is-qimyl jasalyp jatyr. Sondai-aq, Qazaqstan Respýblikasy azamatynyń quqyqtary men zańdy múddelerin qorǵaý boiynsha qajet sharalar qabyldanady", - dep jazylǵan habarlamada.
Buǵan deiin BAQ-ta áskeri attasheniń apparat qyzmetkeri ustalǵany týraly aqparat tarady. Ol Polshada tyńshylyq jasaǵany úshin ustalǵany aityldy.
