Ýchaskelik inspektordyń plakatynyń astyna balaǵat sózder jazǵan qostanailyq turǵyn jazalandy, dep habarlaidy Dalanews.kz.
Is-áreketteri úshin oǵan shamamen 185 myń teńge kóleminde aippul salyndy.
Oqiǵa kópqabatty úilerdiń birinde bolǵan. Onda baqylaý kameralarynyń kómegimen eki qyzdyń liftke kirgenin baiqaýǵa bolady. Ýchaskelik politseidiń turǵyndarǵa aqparattandyrý úshin ilgen plakatyna 21 jastaǵy qyz markermen balaǵat sózder jazǵan. Beine arqyly quqyqbuzýshyny tez anyqtady.
Anyqtalǵandai, qyz bala qazirdiń ózinde quqyq qorǵaý organdarynda esepte tur. Ol buryn urlyq úshin qylmystyq jaýapkershilikke tartylǵany anyqtaldy.
Qoǵamdyq oryndy lastaǵany úshin, bul usaq buzaqylyq retinde qarastyrylady. Osyndai buzýshylyq úshin 50 AEK mólsherinde aiyppul nemese 20 táýlikke deiin qamaýǵa alý jazasy qarastyrylǵan.
Eske salaiyq, buǵan deiin QR IIM ÁPK basqarma bastyǵynyń mindetin atqarýshy Azamat Qurymbaev balaǵat sózderdi qoldanǵandarǵa qarastyrylatyn jaza túrleri jaiynda aitqan edi.
Politsiia qyzmetkeri Azamat Qurymbaevtyń sózinshe, Qazaqstan zańnamasynda balaǵat sózder úshin jaýapkershilik burynnan qarastyrylǵan. Mysaly, qorlaý, iaǵni basqa adamnyń ar-namysy men qadir-qasietin ádepsiz túrde buzý – bul qylmystyq teris qylyq. Ony jasaǵany úshin jaýapkershilik 100 AEK-ke deiin aiyppul túrinde nemese 120 saǵatqa deiin túzeý, ia bolmasa qoǵamdyq jumystar túrinde kózdelgen.
2023 jyldan bastap usaq buzaqylyq jasaǵany úshin jaza kúsheitiledi. Bul, eń aldymen, qoǵamdyq tártipti buzýdyń jolyn kesý maqsatynda jasaldy. Qazir avtobýsta bireý balalardyń nemese eresek adamdardyń kózinshe, iaǵni qoǵamdyq orynda qoǵamdyq tártipti buzyp, balaǵat sózder aitqan jaǵdaida, bul úshin aiyppul 17 250 teńge bolady nemese 10 táýlikke deiin qamaýǵa alynady.
6 naýryzdan bastap mundai áreketter úshin 20 AEK (69 myń tenge túrindegi jaza) aiyppul nemese 5-ten 15 táýlikke deiin qamaýǵa alý kózdelgen.
