ۋچاسكەلىك ينسپەكتوردىڭ پلاكاتىنىڭ استىنا بالاعات سوزدەر جازعان قوستانايلىق تۇرعىن جازالاندى، دەپ حابارلايدى Dalanews.kz.

ىس-ارەكەتتەرى ءۇشىن وعان شامامەن 185 مىڭ تەڭگە كولەمىندە ايپپۇل سالىندى.

وقيعا كوپقاباتتى ۇيلەردىڭ بىرىندە بولعان. وندا باقىلاۋ كامەرالارىنىڭ كومەگىمەن ەكى قىزدىڭ ليفتكە كىرگەنىن بايقاۋعا بولادى. ۋچاسكەلىك پوليسەيدىڭ تۇرعىندارعا اقپاراتتاندىرۋ ءۇشىن ىلگەن پلاكاتىنا 21 جاستاعى قىز ماركەرمەن بالاعات سوزدەر جازعان. بەينە ارقىلى قۇقىقبۇزۋشىنى تەز انىقتادى.

انىقتالعانداي، قىز بالا ءقازىردىڭ وزىندە قۇقىق قورعاۋ ورگاندارىندا ەسەپتە تۇر. ول بۇرىن ۇرلىق ءۇشىن قىلمىستىق جاۋاپكەرشىلىككە تارتىلعانى انىقتالدى.

قوعامدىق ورىندى لاستاعانى ءۇشىن، بۇل ۇساق بۇزاقىلىق رەتىندە قاراستىرىلادى. وسىنداي بۇزۋشىلىق ءۇشىن 50 اەك مولشەرىندە ايىپپۇل نەمەسە 20 تاۋلىككە دەيىن قاماۋعا الۋ جازاسى قاراستىرىلعان.

ەسكە سالايىق، بۇعان دەيىن ق ر ءىىم اپك باسقارما باستىعىنىڭ مىندەتىن اتقارۋشى ازامات قۇرىمبايەۆ بالاعات سوزدەردى قولدانعاندارعا قاراستىرىلاتىن جازا تۇرلەرى جايىندا ايتقان ەدى.

پوليسيا قىزمەتكەرى ازامات قۇرىمبايەۆتىڭ سوزىنشە، قازاقستان زاڭناماسىندا بالاعات سوزدەر ءۇشىن جاۋاپكەرشىلىك بۇرىننان قاراستىرىلعان. مىسالى، قورلاۋ، ياعني باسقا ادامنىڭ ار-نامىسى مەن قادىر-قاسيەتىن ادەپسىز تۇردە بۇزۋ – بۇل قىلمىستىق تەرىس قىلىق. ونى جاساعانى ءۇشىن جاۋاپكەرشىلىك 100 اەك-كە دەيىن ايىپپۇل تۇرىندە نەمەسە 120 ساعاتقا دەيىن تۇزەۋ، يا بولماسا قوعامدىق جۇمىستار تۇرىندە كوزدەلگەن.

2023 جىلدان باستاپ ۇساق بۇزاقىلىق جاساعانى ءۇشىن جازا كۇشەيتىلەدى. بۇل، ەڭ الدىمەن، قوعامدىق ءتارتىپتى بۇزۋدىڭ جولىن كەسۋ ماقساتىندا جاسالدى. ءقازىر اۆتوبۋستا بىرەۋ بالالاردىڭ نەمەسە ەرەسەك ادامداردىڭ كوزىنشە، ياعني قوعامدىق ورىندا قوعامدىق ءتارتىپتى بۇزىپ، بالاعات سوزدەر ايتقان جاعدايدا، بۇل ءۇشىن ايىپپۇل 17 250 تەڭگە بولادى نەمەسە 10 تاۋلىككە دەيىن قاماۋعا الىنادى.

6 ناۋرىزدان باستاپ مۇنداي ارەكەتتەر ءۇشىن 20 اەك (69 مىڭ تەنگە تۇرىندەگى جازا) ايىپپۇل نەمەسە 5-تەن 15 تاۋلىككە دەيىن قاماۋعا الۋ كوزدەلگەن.