Almatydaǵy Alataý aýdanynyń 13-shaǵynaýdan turǵyndary shý shyǵardy, dep habarlaidy dalanews.kz.
Olardyń sózinshe, páter ieleriniń kooperativi kommýnaldyq qyzmetke bólingen qarjyny jymqyryp ketken. Saldarynan turǵyndar tańǵy ýaqyttan keshke deiin jaryqsyz otyrǵan.
Turǵyndardyń aitýynsha, PIK basshylary 95 million teńgeni jymqyryp, qashyp ketken.
Jaryqtyń aqshasy tólenbegen. Halyq narazy. Jiynǵa PIK-tiń bir adamy kelgen joq. 45 politsei keldi. Kósheni jabaiyq desek ruqsat bermei tur, - deidi turǵyndar.
Taǵy bir videoda er adam turǵyndardy tynyshtyq saqtaýǵa shaqyryp, jaryq 10 minýtta qosylady dep ýáde bergen. Ol kináli tulǵalardyń ústinen aryz jazyp, jaýapqa tartý keregin aitqan.
Quzyrly organdar ázirge bul jaǵdaiǵa qatysty pikir bildirgen joq.
