Búginde SQO jol qaýipsizdigin baqylaý polısıasy ereje buzǵan júrgizýshilergi 22 mln teńgenyń aıyppulyn salǵan.
Jalpy óńirde sońǵy birneshe aıda 60-qa jýyq beınekamera ornatylyp, oblys ortalyǵynda qoǵamdyq tártipti saqtaý barynsha kúsheıtilgenin aıta ketýimiz kerek.
Oblysta jyldamdyqty anyqtaıtyn beınekameralar osydan bir apta buryn iske qosylǵan-dy. Aqyldy tehnıka jol erejesin buzǵandardy avtomatty túrde tirkeıdi. Sondaı júıe qalanyń kire berisine ornatyldy.
Óıtkeni taqtaıdaı tegis «Petropavl – Astana» jolymen zýlaıtyn júrgizýshilerdiń qarasy azaımaı tur.
Kóktemde bul jerde jol kólik oqıǵasy bolyp, kólik áıeldi qaǵyp ketken bolatyn. Saldarynan ol qaza tapty. Sondyqtan polısıa qyzmetkerleri munda baǵdarshammen arnaıy kamera qoıýdy.
60-qa jýyq kameranyń 28-i aqparattyq – baǵdarlamalyq keshenge jalǵanǵan. Osyǵan deıin olar testtik rejımde jumys istegen edi. Sol kezeńnen beri bul jerlerde birde-bir jol kólik apaty bolmaǵan.
Jol erejesin buzǵandarǵa birden SMS habarlama keledi. Júrgizýshi ony bir apatada 50% jeńildikpen tóleı alady. Aqyldy júıe 8 kúnde úsh myńǵa jýyq júrgizýshiniń jol erejesin buzǵandyǵyn anyqtaǵan.
