Soltústik Qazaqstan oblysyndaǵy Sergeev sý qoımasynyń tolymdylyǵy 180%-ǵa jetti. Bul týraly oblystyń Tótenshe jaǵdaılar departamenti bastyǵynyń orynbasary Murat Qanǵojınov aıtty, dep habarlaıdy Dalanews.kz.

Onyń málimetinshe, Esil ózeniniń jaıylmasynda keptelis baıqalmaǵanymen, qoımadaǵy sý deńgeıi 415 sm-ge jetken.

"12 - sáýirden bastap oblys ortalyǵyna deıin (Petropavl) úlken sýdyń kelýi kútiledi, shyńy 23- sáýirge keledi. Sonymen qatar sý tasqyny jaǵdaıy turaqty monıtorıń rejıminde", - dedi Murat Qanǵojınov.

Búginde Esil ózeniniń jaǵasynda ornalasqan 3 aýdan men Petropavl qalasynda sý tasqyny bolý qaýpi bar. Bul aımaqqa 845 turǵyn úı jáne 5 myń saıajaı kiredi.

Sonymen qatar, osy ýaqytqa deıin 40 úıdiń 13-i sý astynda qaldy. 244 adam evakýasıalandy, 44 adam úıge qaıtaryldy. Budan bólek, sý basqan 111 úı mańyndaǵy aýmaq bar.

Kúshter men quraldardyń qosymsha toptary quryldy.