Álemjelige "Petr Sidorov" degen búrkenshik atpen tirkelgen Valerii Lihýshin memlekettik tilge qarsy pikir bildirip, qazaqtarǵa til tigizgen bolatyn.
Budan bólek Qazaqstannyń aýmaqtyq tutastyǵyna kúmán keltirip, soltústik óńirlerdi Reseige berýge úndegen edi.
"Sonyń ishinde "velikaia prekrasnaia rossiia", "Nash Sever", "pi**rasy vsiakie», "hohly", "chýrki", "chýrkobesy", "step i govno", "kosoglazye obeziany"..." degen syndy shovinistik leksikondy jii qoldanǵan.
Lihýshinniń jelidegi provokatsiialyq jazbalaryn kózi shalǵan qoldanýshylar dereý quqyq qorǵaý organdary men UQK-ge shaǵym túsirgen.
4 tamyzda Petropavl qalalyq sotynyń sýdiasy Tahmina Sobirova Qazaqstan Respýblikasy Qylmystyq kodeksiniń 174-babynyń 2-bóligi (ultaralyq arazdyqty qozdyrý) jáne Qylmystyq kodekstiń 180-baby boiynsha aiyptalǵan Valerii Lihýshinge qatysty úkim shyǵardy.
Sot Valerii Lihýshindi aqyl-esiniń durys emestigine bailanysty qylmystyq jaýapkershilikten bosatyp, májbúrli emdeý úshin psihiatriialyq aýrýhanaǵa jatqyzdy.
Málim bolǵandai, 50 jasar Lihýshin buǵan deiin de "jyndyhananyń" tirkeýinde turǵan.
Alaida jergilikti aqparat kózderi Lihýshinniń aqyl-esi aýysqanyna senińkiremeidi.
"Sot protsesi kezinde aiyptalýshy bet-aýzyn tyrmalap, ózin jyndy qylyp kórsetpekke tyrysty. Sot tarapynan qoiylǵan qarapaiym suraqtardy túsinbegen keiip tanytyp, aqymaqtyń obrazyna endi. Lihýshinniń mundai áreketke barýy beker emes. Qazaq halqyna til tigizgeni úshin 5 jylǵa sottalaryn estigen separatist, osylaisha temir tordan qutylýdy kózdedi", - dep jazady bul oraida psihiatr mamannyń pikirin bilgen 7152.kz portaly.
Aitpaqshy
Adam basyna 5 myń dollar: Kreml qazaqtardy ýkrain topyraǵyn tyńaitýǵa shaqyrýda.
Tolyǵyraq: https://t.me/dalainside/1418
