Petropavlda qaskóiler zeinetkerden 100 million teńgesin urlap ketken, - dep habarlaidy Dalanews.kz.
Urylardy kriminalister qorapta qalǵan saýsaq izderi arqyly taýyp alǵan. Oqiǵa byltyr maýsymda bolǵan. Petropavldaǵy egde jastaǵy ájeidiń páterine sýǵa arnalǵan súzgi qurylǵysyn tiimdi jeńildikpen ornatýdy usynǵan eki jas jigit kelgen. Aqkóńil ájei shaqyrylmaǵan qonaqtardy úige esh alańdamastan kirgizdi.
Jigitter ýáde etken jumysty oryndap, esh kúdik týdyrmady. Ájei kórshi bólmeden aqsha alyp shyǵyp, ornatqan qurylǵy úshin tólem jasady. Osy sátte jigitterdiń biri aqsha jasyrylǵan jerdi baiqap qalǵan edi. Alaiaqtar ájeidi aldamaq bolyp, spektakl oinata bastaǵan. Olardyń bireýi ájeidi sózge ainaldyrsa, ekinshisi kórshi bólmege ótip, 100 mln teńge aqshasyn jymqyryp ketken.
Ájei aqshasy urlanǵanyn birneshe kúnnen keiin biraq baiqaǵan. Oqiǵa ornyna kriminalister kelgen. Saýsaq izderi boiynsha qylmyskerlerdiń jeke basy da anyqtaldy. Olar Qostanai oblysynyń týmasy bolyp shyqty jáne bireýiniń Petropavl qalasynda turaqty turatyny belgili boldy. Kriminalistiń kásibi is-qimyly negizinde qylmys qysqa merzimde ashyldy, qaskóiler ustalyp, aqshalai qarajattyń bir bóligi ájeige qaitaryldy.
