پەتروپاۆلدا قاسكٶيلەر زەينەتكەردەن 100 ميلليون تەڭگەسٸن ۇرلاپ كەتكەن, - دەپ حابارلايدى Dalanews.kz.
ۇرىلاردى كريميناليستەر قوراپتا قالعان ساۋساق ٸزدەرٸ ارقىلى تاۋىپ العان. وقيعا بىلتىر ماۋسىمدا بولعان. پەتروپاۆلداعى ەگدە جاستاعى ەجەيدٸڭ پەتەرٸنە سۋعا ارنالعان سٷزگٸ قۇرىلعىسىن تيٸمدٸ جەڭٸلدٸكپەن ورناتۋدى ۇسىنعان ەكٸ جاس جٸگٸت كەلگەن. اقكٶڭٸل ەجەي شاقىرىلماعان قوناقتاردى ٷيگە ەش الاڭداماستان كٸرگٸزدٸ.
جٸگٸتتەر ۋەدە ەتكەن جۇمىستى ورىنداپ, ەش كٷدٸك تۋدىرمادى. ەجەي كٶرشٸ بٶلمەدەن اقشا الىپ شىعىپ, ورناتقان قۇرىلعى ٷشٸن تٶلەم جاسادى. وسى سەتتە جٸگٸتتەردٸڭ بٸرٸ اقشا جاسىرىلعان جەردٸ بايقاپ قالعان ەدٸ. الاياقتار ەجەيدٸ الداماق بولىپ, سپەكتاكل ويناتا باستاعان. ولاردىڭ بٸرەۋٸ ەجەيدٸ سٶزگە اينالدىرسا, ەكٸنشٸسٸ كٶرشٸ بٶلمەگە ٶتٸپ, 100 ملن تەڭگە اقشاسىن جىمقىرىپ كەتكەن.
ەجەي اقشاسى ۇرلانعانىن بٸرنەشە كٷننەن كەيٸن بٸراق بايقاعان. وقيعا ورنىنا كريميناليستەر كەلگەن. ساۋساق ٸزدەرٸ بويىنشا قىلمىسكەرلەردٸڭ جەكە باسى دا انىقتالدى. ولار قوستاناي وبلىسىنىڭ تۋماسى بولىپ شىقتى جەنە بٸرەۋٸنٸڭ پەتروپاۆل قالاسىندا تۇراقتى تۇراتىنى بەلگٸلٸ بولدى. كريميناليستٸڭ كەسٸبي ٸس-قيمىلى نەگٸزٸندە قىلمىس قىسقا مەرزٸمدە اشىلدى, قاسكٶيلەر ۇستالىپ, اقشالاي قاراجاتتىڭ بٸر بٶلٸگٸ ەجەيگە قايتارىلدى.
