Petropavlda turǵyn-úi kommýnaldyq sharýashylyǵyn jańǵyrtý isi qalai iske asýda?
Óz kezeginde qala basshysy ótken jyly kóppáterli turǵyn úilerdiń jóndeý jumystaryny respýblikalyq biýdjetten 980 mln teńge bólingenin alǵa tartty.
Bul qarjyǵa 18 kóppáterli turǵyn úige jańǵyrtý jumysy júrgizilip, 13 úidiń eski shatyry tolyq aýystyrylyp, bes úidiń jedelsatysy aýystyrylǵan eken. Osy rette sońǵy 25 jylda úsh úide jedelsaty múlde jumys istemegenin aita ketýimiz kerek. Osylaisha qala turǵyndary turǵyn úilerdiń jańǵyrtý jumystarynyń paidasyn kórip, jergilikti bilik oryndaryna alǵas aitqan bolatyn.
Biyl da bul baǵyttaǵy jumystar jalǵasyn taýyp, tiisti deńgeide júrgizilgenin atap aitýǵa bolady. 2022 jyly bul maqsatqa bólinen qarjynyń kólemi 1 mlrd teńgege deiin ulǵaiyp, 19 kóppáterli turǵyn úige jóndeý jumystary júrgizilýde.
– Búginde turǵyn úilerdi jóndeýge qatysty kóptegen suraqtar túsip jatyr. Olardyń kópshiligi jóndeý jumystarynyń sapasyna qatysty. Turǵyn úilerge jańǵartý jumystaryn júrgizerde turǵyndarmen jaqsylap, keńesip alý kerek. Jobalyq smetalyq qujatty daiyndaýdan bastap, jumysty qabyldap alý isine turǵyndar tolyqtai qatysýy kerek. Jóndeý jumysymen ainalysqan kompaniialardyń jumysyna turǵyndardyń kóńili tolmasa, birde-bir qujatqa qol qoimaimyz, – dep qala basshysy kókeide júrgen oiyn ashyp aitty.
