ءوز كەزەگىندە قالا باسشىسى وتكەن جىلى كوپپاتەرلى تۇرعىن ۇيلەردىڭ جوندەۋ جۇمىستارىنى رەسپۋبليكالىق بيۋدجەتتەن 980 ملن تەڭگە بولىنگەنىن العا تارتتى.
بۇل قارجىعا 18 كوپپاتەرلى تۇرعىن ۇيگە جاڭعىرتۋ جۇمىسى جۇرگىزىلىپ، 13 ءۇيدىڭ ەسكى شاتىرى تولىق اۋىستىرىلىپ، بەس ءۇيدىڭ جەدەلساتىسى اۋىستىرىلعان ەكەن. وسى رەتتە سوڭعى 25 جىلدا ءۇش ۇيدە جەدەلساتى مۇلدە جۇمىس ىستەمەگەنىن ايتا كەتۋىمىز كەرەك. وسىلايشا قالا تۇرعىندارى تۇرعىن ۇيلەردىڭ جاڭعىرتۋ جۇمىستارىنىڭ پايداسىن كورىپ، جەرگىلىكتى بيلىك ورىندارىنا العاس ايتقان بولاتىن.
بيىل دا بۇل باعىتتاعى جۇمىستار جالعاسىن تاۋىپ، ءتيىستى دەڭگەيدە جۇرگىزىلگەنىن اتاپ ايتۋعا بولادى. 2022 جىلى بۇل ماقساتقا بولىنەن قارجىنىڭ كولەمى 1 ملرد تەڭگەگە دەيىن ۇلعايىپ، 19 كوپپاتەرلى تۇرعىن ۇيگە جوندەۋ جۇمىستارى جۇرگىزىلۋدە.
– بۇگىندە تۇرعىن ۇيلەردى جوندەۋگە قاتىستى كوپتەگەن سۇراقتار ءتۇسىپ جاتىر. ولاردىڭ كوپشىلىگى جوندەۋ جۇمىستارىنىڭ ساپاسىنا قاتىستى. تۇرعىن ۇيلەرگە جاڭعارتۋ جۇمىستارىن جۇرگىزەردە تۇرعىندارمەن جاقسىلاپ، كەڭەسىپ الۋ كەرەك. جوبالىق سمەتالىق قۇجاتتى دايىنداۋدان باستاپ، جۇمىستى قابىلداپ الۋ ىسىنە تۇرعىندار تولىقتاي قاتىسۋى كەرەك. جوندەۋ جۇمىسىمەن اينالىسقان كومپانيالاردىڭ جۇمىسىنا تۇرعىنداردىڭ كوڭىلى تولماسا، بىردە-بىر قۇجاتقا قول قويمايمىز، – دەپ قالا باسشىسى كوكەيدە جۇرگەن ويىن اشىپ ايتتى.
