SQO ákiminiń orynbasary Sátjan Ablaliev bul baǵyttaǵy jumysqa qyzyqqan qurylys kompaniialary renovatsiialyq jumystardy algoritmi jaiynda qysqasha baiandap berdi.
– Birinshi kezekte bizder apatty jaǵdai turǵan úilerdi anyqtap olarǵa inventarizatsiialaý jumystaryn júrgizdik. Budan keiin jergilikti bilik oryndary qatysýymen jumysty atqaratyn investorlardy izdestirdik. Bul rette bizder qurylys kompaniialarynyń eki jylǵy jumys tájiribesi men banktik kepildigine basa mán bergenimizdi aita ketýimiz kerek. Budan keiin investormen kelsim-shartqa qol qoiyp, olarǵa jer telimi men jobalyq qujatty tapsyrdyq. Olar qurylys jumystaryn aiaqtaǵannan keiin kelsim-shartta kórsetilgendei jergilikti bilik oryndaryna óz úlesin páter negizinde berip otyrdy, – deidi Sátjan Ablaliev.
Osylaisha jergilikti bilik oryndary men jekelegen qurylys kompaniialarynyń arasyndaǵy ózara yntymaqtastyqtyń arqasynda óńirde apatty jaǵdaida turǵan úilerdiń sany aitarlyqtai qysqarǵan.
Qazirgi tańda Petropavl qalasynda renovatsiia baǵdarlamasy boiynsha 27 kópqabatty turǵyn úi salý josparlanýda.
647 páteri bar 9 úidi memlekettik biýdjet esebinen boi kóterse, qalǵanyn investorlardyń qarjysyna salý kózdelgen. Jańadan salynǵan úilerdiń ainalasyn abattandyrý jumystaryn jerigilikti ákimdik óz moiynyna alyp otyr. Osylaisha renovatsiialyq jumystardyń arqasynda Petropavl qalasynyń ajary kirip qaldy.
