Petropavlda politseiler uly aqyndarǵa arnalǵan eskertkishke mingen quqyq buzýshylardy ustady, - dep habarlaidy Dalanews.kz.
1 qańtar kúni keshke Táýelsizdik stelasynyń mańyndaǵy muz qalashyǵynda serýendep júrgen qala turǵyndary jigitterdiń qoǵamdyq tártipti buzǵan áreketin baiqap qalǵan. Olar áigili Abai men Pýshkinniń eskertkishine minip sýretke túsip jatqan.
Kýágerlerdiń aitýynsha, jastar beiádep sózder aityp, mádenietsizdigin kórsetken. Jaiaý jasaq olardy beinebaqylaý inspektorlarynyń kómegimen ustady.
Olarǵa qatysty qoǵamdyq orynda mas kúide bolǵandary jáne usaq buzaqylyq úshin hattamalar toltyryldy. Sondai-aq biraz ýaqyt buryn kórshi elderdiń birinen Petropavlǵa kelgen jastardyń úsheýiniń de Qazaqstan aýmaǵynda bolý merzimi aiaqtalǵany anyqtaldy. Olar bul buzýshylyqtary úshin de ákimshilik jaýapkershilikke tartylatyn bolady.
