Perizat Qairat pen anasynyń múlki aýktsionǵa qoiylady, dep habarlaidy Dalanews.kz.
QMA málimetinshe, urlanǵan aqshaǵa satyp alynǵan mynadai múlik tárkilengen:
- Vela Village kottedj qalashyǵyndaǵy jeke úi;
- Akbulak Riviera, Sensata Plaza, Highvill Ishim Gold, "Kók Jailaý" turǵyn úi keshenderindegi páterler, turaq oryndary;
- 2024 jylǵy Mercedes-Benz S450, 2024 jylǵy Lexus LX 600, 2023 jylǵy Mercedes-Benz EQE 500 4 matic, 2024 jylǵy Haval H6 GT kólikteri;
- Rebel Flowers (gúl biznesi) JShS jarǵylyq kapitalyndaǵy 100 paiyz úles;
- 97 million teńgeden asa qarjy jáne 22 myń dollar.
Perizatqa qatysty is
Eske salaiyq, biyl 25 shildede Astana qalasyndaǵy aýdanaralyq qylmystyq ister jónindegi sotynda Perizat Qairat pen anasyna qatysty sot úkimi shyqty.
Sot úkimimen Perizat Qairat 10 jylǵa sottaldy. Anasy Ǵaini Alashbaeva 7 jylǵa bas bostandyǵynan aiyryldy.
Perizat Qairat pen onyń anasy Ǵaini Alashbaevaǵa QR QK 190-baby 4-bóliginiń 2-tarmaǵy, 218-baby 3-bóliginiń 3-tarmaǵy jáne 2-bóliginiń 1-tarmaǵy boiynsha qylmystyq is qozǵalǵan bolatyn.
Prokýrorlardyń málimetinshe, 2021 jyldan 2024 jylǵa deiin Perizat Qairat pen onyń anasy 3,5 mlrd teńgeni qolma-qol sheship alǵan.
