Perizat Qairattyń artynda yqpaldy adamdar turdy ma? QMA ókili osy saýalǵa jaýap berdi, dep habarlaidy Dalanews.kz.
Qarjylyq monitoring agenttigi tóraǵasynyń orynbasary Jeńis Elemesovtiń aitýynsha, Perizat Qairattyń artynda eshqandai kóleńkeli, yqpaldy tulǵalar turǵan joq. Barlyq isti ol ózi uiymdastyrǵan, janynda tek anasy ǵana bolǵan.
"Qorǵa túsken qarajatty túptep kelgende Perizat Qairat pen anasy óz qajettilikterine jaratqan. Buǵan deiin habarlaǵanymyzdai, ol aqshaǵa jeke úi, tórt páter jáne kólikter satyp alynǵan. Tergeý barysynda qarajattyń zańsyz jumsalýyna basqa adamdardyń qatysy anyqtalǵan joq", – dedi Elemesov Senatta.
Eske salaiyq, biyl 25 shildede Astana qalasyndaǵy aýdanaralyq qylmystyq ister jónindegi sotynda Perizat Qairat pen anasyna qatysty sot úkimi shyqty.
Sot úkimimen Perizat Qairat 10 jylǵa sottaldy. Anasy Ǵaini Alashbaeva 7 jylǵa bas bostandyǵynan aiyryldy.
Perizat Qairat pen onyń anasy Ǵaini Alashbaevaǵa QR QK 190-baby 4-bóliginiń 2-tarmaǵy, 218-baby 3-bóliginiń 3-tarmaǵy jáne 2-bóliginiń 1-tarmaǵy boiynsha qylmystyq is qozǵalǵan bolatyn.
Prokýrorlardyń málimetinshe, 2021 jyldan 2024 jylǵa deiin Perizat Qairat pen onyń anasy 3,5 mlrd teńgeni qolma-qol sheship alǵan.
