پەريزات قايراتتىڭ ارتىندا ىقپالدى ادامدار تۇردى ما؟ قما وكىلى وسى ساۋالعا جاۋاپ بەردءى، دەپ حابارلايدى Dalanews.kz.
قارجىلىق مونيتورينگ اگەنتتىگى ءتوراعاسىنىڭ ورىنباسارى جەڭىس ەلەمەسوۆتىڭ ايتۋىنشا، پەريزات قايراتتىڭ ارتىندا ەشقانداي كولەڭكەلى، ىقپالدى تۇلعالار تۇرعان جوق. بارلىق ءىستى ول ءوزى ۇيىمداستىرعان، جانىندا تەك اناسى عانا بولعان.
"قورعا تۇسكەن قاراجاتتى تۇپتەپ كەلگەندە پەريزات قايرات پەن اناسى ءوز قاجەتتىلىكتەرىنە جاراتقان. بۇعان دەيىن حابارلاعانىمىزداي، ول اقشاعا جەكە ءۇي، ءتورت پاتەر جانە كولىكتەر ساتىپ الىنعان. تەرگەۋ بارىسىندا قاراجاتتىڭ زاڭسىز جۇمسالۋىنا باسقا ادامداردىڭ قاتىسى انىقتالعان جوق"، – دەدى ەلەمەسوۆ سەناتتا.
ەسكە سالايىق، بيىل 25 شىلدەدە استانا قالاسىنداعى اۋدانارالىق قىلمىستىق ىستەر جونىندەگى سوتىندا پەريزات قايرات پەن اناسىنا قاتىستى سوت ۇكىمى شىقتى.
سوت ۇكىمىمەن پەريزات قايرات 10 جىلعا سوتتالدى. اناسى عايني الاشبايەۆا 7 جىلعا باس بوستاندىعىنان ايىرىلدى.
پەريزات قايرات پەن ونىڭ اناسى عايني الاشبايەۆاعا ق ر قك 190-بابى 4-بولىگىنىڭ 2-تارماعى، 218-بابى 3-بولىگىنىڭ 3-تارماعى جانە 2-بولىگىنىڭ 1-تارماعى بويىنشا قىلمىستىق ءىس قوزعالعان بولاتىن.
پروكۋرورلاردىڭ مالىمەتىنشە، 2021 جىلدان 2024 جىلعا دەيىن پەريزات قايرات پەن ونىڭ اناسى 3،5 ملرد تەڭگەنى قولما-قول شەشىپ العان.
