Perizat Qairat pen anasynyń múlki aýktsionǵa qoiylady, dep habarlaidy Dalanews.kz.
"KTK" arnasy málimetinshe, baǵaly áshekeiler, brend zattarmen qatar tórt páter, tórt qymbat kólik satylymǵa shyǵarylady. Aýktsionnan túsken aqsha zardap shekken taraptyń shyǵynyn jabýǵa jumsalady.
Byltyrǵy tasqynda jurttyń jylýǵa dep jinaǵan qarjysyna ózi úlde men búldege oranyp alǵan blogerdi sot 10 jylǵa, anasy Ǵaini Alashbaevany 7 jylǵa bas bostandyǵynan aiyrǵan. Advokaty úkimmen kelispei, apelliatsiiaǵa júginetinin aitqan. Biraq sotqa áli eshqandai aryz-shaǵym túspepti.
Aita keteiik, sotta Perizat Qairat Almatynyń burynǵy ákimi Baýyrjan Baibekti de tekserýdi suraǵan. Alaida Qarjy monitoringi agenttigi onyń bul iske esh qatysy joq dep otyr.
"Qylmystyq isti tergeý aiasynda biz aqshany iemdengen basqa adamdardy anyqtaǵan joqpyz. Sondyqtan bul jerde eshqandai suraq týyndamaýy kerek. Bul qarajat jyljymaityn múlik - jeke úi, tórt páter, avtokólik satyp alýǵa jumsaldy. Bar múlik Perizat pen onyń anasyna tirkelgen", - dedi QMA ókili.
