پەريزات قايرات پەن اناسىنىڭ مٷلكٸ اۋكتسيونعا قويىلادى, دەپ حابارلايدى Dalanews.kz.
"كتك" ارناسى مەلٸمەتٸنشە, باعالى ەشەكەيلەر, برەند زاتتارمەن قاتار تٶرت پەتەر, تٶرت قىمبات كٶلٸك ساتىلىمعا شىعارىلادى. اۋكتسيوننان تٷسكەن اقشا زارداپ شەككەن تاراپتىڭ شىعىنىن جابۋعا جۇمسالادى.
بىلتىرعى تاسقىندا جۇرتتىڭ جىلۋعا دەپ جيناعان قارجىسىنا ٶزٸ ٷلدە مەن بٷلدەگە ورانىپ العان بلوگەردٸ سوت 10 جىلعا, اناسى عايني الاشباەۆانى 7 جىلعا باس بوستاندىعىنان ايىرعان. ادۆوكاتى ٷكٸممەن كەلٸسپەي, اپەللياتسيياعا جٷگٸنەتٸنٸن ايتقان. بٸراق سوتقا ەلٸ ەشقانداي ارىز-شاعىم تٷسپەپتٸ.
ايتا كەتەيٸك, سوتتا پەريزات قايرات الماتىنىڭ بۇرىنعى ەكٸمٸ باۋىرجان بايبەكتٸ دە تەكسەرۋدٸ سۇراعان. الايدا قارجى مونيتورينگٸ اگەنتتٸگٸ ونىڭ بۇل ٸسكە ەش قاتىسى جوق دەپ وتىر.
"قىلمىستىق ٸستٸ تەرگەۋ اياسىندا بٸز اقشانى يەمدەنگەن باسقا ادامداردى انىقتاعان جوقپىز. سوندىقتان بۇل جەردە ەشقانداي سۇراق تۋىنداماۋى كەرەك. بۇل قاراجات جىلجىمايتىن مٷلٸك - جەكە ٷي, تٶرت پەتەر, اۆتوكٶلٸك ساتىپ الۋعا جۇمسالدى. بار مٷلٸك پەريزات پەن ونىڭ اناسىنا تٸركەلگەن", - دەدٸ قما ٶكٸلٸ.
