Perizat Qairat pen onyń anasy Ǵaini Alashbaevanyń isi qaita qaralady, dep habarlaidy Dalanews.kz.
Málimetke súiensek, sot otyrysy 24 qyrkúiek saǵat 14:30-ǵa belgilengen.
"2025 jylǵy 24 qyrkúiekte apelliatsiialyq instantsiia Perizat Qairat pen onyń anasy Ǵaini Alashbaevanyń advokaty bergen apelliatsiialyq shaǵymdy qaraidy", – dep jazylǵan sot taratqan resmi aqparatta.
Perizat Qairatqa qatysty is
Eske salaiyq, biyl 25 shildede Astana qalasyndaǵy qylmystyq ister jónindegi aýdanaralyq sotta Perizat Qairat pen anasyna qatysty sot úkimi shyqty.
Sot úkimimen Perizat Qairat 10 jylǵa sottaldy. Anasy Ǵaini Alashbaeva 7 jylǵa bas bostandyǵynan aiyryldy.
Perizat Qairat pen onyń anasy Ǵaini Alashbaevaǵa QR QK 190-baby 4-bóliginiń 2-tarmaǵy, 218-baby 3-bóliginiń 3-tarmaǵy jáne 2-bóliginiń 1-tarmaǵy boiynsha qylmystyq is qozǵalǵan bolatyn.
Prokýrorlardyń málimetinshe, 2021 jyldan 2024 jylǵa deiin Perizat Qairat pen onyń anasy 3,5 mlrd teńgeni qolma-qol sheship alǵan.
