Perizat Qairat Baýyrjan Báibekti de tergeýdi surady, dep habarlaidy Dalanews.kz.
Buǵan deiin prokýrorlar Perizat Qairatty qoǵamdyq uiym qurý kezinde quryltaishylardyń qoldaryn qoldan jasady dep aiyptaǵan bolatyn. Óz kezeginde aiyptalýshy sot tergeýin quryltaishylardan jaýap alýdan bastaýǵa shaqyrdy, olardyń pikirin tyńdap, jaǵdaidy naqtylaý qajet ekenin aitty.
«Anammen birge qor qurdy, qoldardy ózderi qoidy dep meni aiyptap otyr. Al bul uiym partiia janynan, Baýyrjan Qydyrǵaliuly Baibek basshylyq etip turǵan kezde qurylǵan. Quryltaishylardyń barlyǵy, meni qospaǵanda, keibiri burynǵy, keibiri áli de partiia qyzmetkerleri», – dedi sotta Perizat Qairat.
Ol bul sózin jábirlenýshige suraq qoiǵan kezde de birneshe ret qaitalap, Baibekti birneshe márte atap ótti.
Eske salaiyq, Baýyrjan Baibek 2019 jylǵy maýsymnan 2022 jylǵy qańtarǵa deiin Nur Otan partiiasy tóraǵasynyń birinshi orynbasary qyzmetin atqarǵan.
