پەريزات قايرات باۋىرجان بەيبەكتٸ دە تەرگەۋدٸ سۇرادى, دەپ حابارلايدى Dalanews.kz.
بۇعان دەيٸن پروكۋرورلار پەريزات قايراتتى قوعامدىق ۇيىم قۇرۋ كەزٸندە قۇرىلتايشىلاردىڭ قولدارىن قولدان جاسادى دەپ ايىپتاعان بولاتىن. ٶز كەزەگٸندە ايىپتالۋشى سوت تەرگەۋٸن قۇرىلتايشىلاردان جاۋاپ الۋدان باستاۋعا شاقىردى, ولاردىڭ پٸكٸرٸن تىڭداپ, جاعدايدى ناقتىلاۋ قاجەت ەكەنٸن ايتتى.
«اناممەن بٸرگە قور قۇردى, قولداردى ٶزدەرٸ قويدى دەپ مەنٸ ايىپتاپ وتىر. ال بۇل ۇيىم پارتييا جانىنان, باۋىرجان قىدىرعاليۇلى بايبەك باسشىلىق ەتٸپ تۇرعان كەزدە قۇرىلعان. قۇرىلتايشىلاردىڭ بارلىعى, مەنٸ قوسپاعاندا, كەيبٸرٸ بۇرىنعى, كەيبٸرٸ ەلٸ دە پارتييا قىزمەتكەرلەرٸ», – دەدٸ سوتتا پەريزات قايرات.
ول بۇل سٶزٸن جەبٸرلەنۋشٸگە سۇراق قويعان كەزدە دە بٸرنەشە رەت قايتالاپ, بايبەكتٸ بٸرنەشە مەرتە اتاپ ٶتتٸ.
ەسكە سالايىق, باۋىرجان بايبەك 2019 جىلعى ماۋسىمنان 2022 جىلعى قاڭتارعا دەيٸن Nur Otan پارتيياسى تٶراعاسىنىڭ بٸرٸنشٸ ورىنباسارى قىزمەتٸن اتقارعان.
