Konferensıanyń negizgi maqsaty básekege qabiletti joǵary pedagogıkalyq bilim berýdi qalyptastyrý boıynsha ózekti máselelerdi talqylaý, ǵylymı jetistikter, tujyrymdar jáne kózqarastarmen keńinen almasý.
Konferensıany ashqan rektor Takır Balyqbaev:
– Bolashaq muǵalimderdiń básekege qabilettiligi, zaman talabyna saı jańa ózgeristerge daıyndyǵy jáne kásibı deńgeıiniń ósýi joǵary pedagogıkalyq bilimniń básekege qabilettiligimen anyqtalady, – dep atap ótti.
Konferensıa jumysyna ǵylymı jumys jáne halyqaralyq yntymaqtastyq jónindegi prorektor Aqtolqyn Qulsarıeva, Pedagogıka jáne psıhologıa ınstıtýtynyń dırektory Berik Álmuhambetov, pedagogıka kafedrasynyń meńgerýshisi Qorlan Jampeısova, Omby memlekettik pedagogıkalyq ýnıversıtetiniń ınovasıalyq jáne ınklúzıvti bilim berý ınstıtýtynyń dırektory Nadejda Chekaleva, akademık, Qazaqstannyń pedagogıkalyq ǵylymdar akademıasynyń prezıdenti, salystyrmaly bilim berý qoǵamdarynyń Búkilálemdik keńesiniń atqarýshy komıtetiniń múshesi Asqarbek Qusaınov, profesor, Qaz JǴUA akademıgi, «Qazaqstan Respýblıkasynyń aqparattandyrý Ulttyq ortalyǵynyń» AQ DK tóraıymy Gúl Nurǵalıeva, Omby memlekettik pedagogıkalyq ýnıversıtetiniń pedagogıka kafedrasynyń profesory Iýlıa Drobotenko, sonymen qatar profesor, QR UǴA akademıgi Kúlásh Qunantaeva, Abaı atyndaǵy QazUPÝ profesory, akademık, dıfferensıaldy psıhologıa halyqaralyq ınstıtýtynyń qurmetti profesory Jámıla Namazbaeva, Ýnıversıtettiń profesor-oqytýshylar quramy, bilim alýshylary jáne basqa da qazaqstandyq, sheteldik joǵary oqý oryndarynyń ókilderi, ǵalymdary qatysty.
Konferensıanyń tórt bóliminde Qazaqstan Respýblıkasy Prezıdentiniń Joldaýlary men strategıalyq qujattary aıasynda básekege qabiletti joǵary pedagogıkalyq bilim berýdiń jańa paradıgmasyn qalyptastyrý, qoǵamdyq sanany rýhanı modernızasıalaýdyń áseri, ádisnamalyq tuǵyrlary, ıdeıalary men ustanymdary, bolashaq mamannyń básekege qabilettiligin qalyptastyrý jáne damytý – joǵary pedagogıkalyq bilim berýdiń ózekti máselesi men sheteldik tájirıbe, joǵary pedagogıkalyq bilim berý júıesinde básekege qabiletti pedagogty damytý, básekege qabiletti joǵary pedagogıkalyq bilim berýdi ǵylymı-ádistemelik turǵydan qamtamasyzdandyrý máseleleri talqylandy.
Qoǵammen baılanys bólimi
https://dalanews.kz/35511
