كونفەرەنسيانىڭ نەگىزگى ماقساتى باسەكەگە قابىلەتتى جوعارى پەداگوگيكالىق ءبىلىم بەرۋدى قالىپتاستىرۋ بويىنشا وزەكتى ماسەلەلەردى تالقىلاۋ، عىلىمي جەتىستىكتەر، تۇجىرىمدار جانە كوزقاراستارمەن كەڭىنەن الماسۋ.
كونفەرەنسيانى اشقان رەكتور تاكير بالىقبايەۆ:
– بولاشاق مۇعالىمدەردىڭ باسەكەگە قابىلەتتىلىگى، زامان تالابىنا ساي جاڭا وزگەرىستەرگە دايىندىعى جانە كاسىبي دەڭگەيىنىڭ ءوسۋى جوعارى پەداگوگيكالىق ءبىلىمنىڭ باسەكەگە قابىلەتتىلىگىمەن انىقتالادى، – دەپ اتاپ ءوتتى.
كونفەرەنسيا جۇمىسىنا عىلىمي جۇمىس جانە حالىقارالىق ىنتىماقتاستىق جونىندەگى پرورەكتور اقتولقىن قۇلسارييەۆا، پەداگوگيكا جانە پسيحولوگيا ينستيتۋتىنىڭ ديرەكتورى بەرىك المۇحامبەتوۆ، پەداگوگيكا كافەدراسىنىڭ مەڭگەرۋشىسى قورلان جامپەيسوۆا، ومبى مەملەكەتتىك پەداگوگيكالىق ۋنيۆەرسيتەتىنىڭ يننوۆاسيالىق جانە ينكليۋزيۆتى ءبىلىم بەرۋ ينستيتۋتىنىڭ ديرەكتورى نادەجدا چەكاليەۆا، اكادەميك، قازاقستاننىڭ پەداگوگيكالىق عىلىمدار اكادەمياسىنىڭ پرەزيدەنتى، سالىستىرمالى ءبىلىم بەرۋ قوعامدارىنىڭ بۇكىلالەمدىك كەڭەسىنىڭ اتقارۋشى كوميتەتىنىڭ مۇشەسى اسقاربەك قۇساينوۆ، پروفەسسور، قاز جعۇا اكادەميگى، «قازاقستان رەسپۋبليكاسىنىڭ اقپاراتتاندىرۋ ۇلتتىق ورتالىعىنىڭ» اق دك ءتورايىمى گۇل نۇرعالييەۆا، ومبى مەملەكەتتىك پەداگوگيكالىق ۋنيۆەرسيتەتىنىڭ پەداگوگيكا كافەدراسىنىڭ پروفەسسورى يۋليا دروبوتەنكو، سونىمەن قاتار پروفەسسور، ق ر ۇعا اكادەميگى كۇلاش قۇنانتايەۆا، اباي اتىنداعى قازۇپۋ پروفەسسورى، اكادەميك، ديففەرەنسيالدى پسيحولوگيا حالىقارالىق ينستيتۋتىنىڭ قۇرمەتتى پروفەسسورى ءجاميلا نامازبايەۆا، ۋنيۆەرسيتەتتىڭ پروفەسسور-وقىتۋشىلار قۇرامى، ءبىلىم الۋشىلارى جانە باسقا دا قازاقستاندىق، شەتەلدىك جوعارى وقۋ ورىندارىنىڭ وكىلدەرى، عالىمدارى قاتىستى.
كونفەرەنسيانىڭ ءتورت بولىمىندە قازاقستان رەسپۋبليكاسى پرەزيدەنتىنىڭ جولداۋلارى مەن ستراتەگيالىق قۇجاتتارى اياسىندا باسەكەگە قابىلەتتى جوعارى پەداگوگيكالىق ءبىلىم بەرۋدىڭ جاڭا پاراديگماسىن قالىپتاستىرۋ، قوعامدىق سانانى رۋحاني مودەرنيزاسيالاۋدىڭ اسەرى، ءادىسنامالىق تۇعىرلارى، يدەيالارى مەن ۇستانىمدارى، بولاشاق ماماننىڭ باسەكەگە قابىلەتتىلىگىن قالىپتاستىرۋ جانە دامىتۋ – جوعارى پەداگوگيكالىق ءبىلىم بەرۋدىڭ وزەكتى ماسەلەسى مەن شەتەلدىك تاجىريبە، جوعارى پەداگوگيكالىق ءبىلىم بەرۋ جۇيەسىندە باسەكەگە قابىلەتتى پەداگوگتى دامىتۋ، باسەكەگە قابىلەتتى جوعارى پەداگوگيكالىق ءبىلىم بەرۋدى عىلىمي-ادىستەمەلىك تۇرعىدان قامتاماسىزداندىرۋ ماسەلەلەرى تالقىلاندى.
قوعاممەن بايلانىس ءبولىمى
https://dalanews.kz/35511
