Májilistiń maqsaty – Qazaqstan Respýblikasyndaǵy pedagogikalyq bilim berýdi damytýdyń kókeikesti máselelerin anyqtaý.
«Qazaqstan Respýblikasyndaǵy pedagogikalyq bilim berýdi damytýdyń zamanaýi mindetteri» taqyrybynda ótkizilgen májiliske Oqý-ádistemelik birlestiginiń quramyndaǵy joǵary oqý oryndarynyń 7 rektorlary men 54 ókilderi, 9 oblystyq (qalalyq) bilim basqarmasynyń basshylary men Nazarbaev ziiatkerlik mektepteriniń ókilderi, Almaty qalasynyń mektep direktorlary qatysty.
Keńeitilgen májilis barysynda pedagogikalyq kadrlardy orta bilim berýdiń jańartylǵan mazmunyna sáikes daiarlaý jáne inkliýzivti bilim berý úshin pedagogikalyq mamandyqtardyń bilim berý baǵdarlamalaryn jetildirý týraly máseleleri, oqý quraldaryn ROÁK OÁB grifterine usyný qarastyryldy.
QR BǴM vitse-ministri Ashat Aimaǵambetov alǵy sózinde jalpy orta bilim berýdiń jańartylǵan mazmunyna kóshýge bailanysty Qazaqstan Respýblikasyndaǵy pedagogikalyq bilim berýdi damytýdyń kókeikesti máseleleri men perspektivalaryn qarastyrý, baǵdarlamany júzege asyrý barysynda pedagogikalyq kadrlardy daiarlaýǵa qoiylatyn talaptar, jańartylǵan bilim berý mazmunyna kóshýge orai joǵary oqý oryndaryndaǵy bilim berý baǵdarlamalary men oqý josparlaryna, stýdentterdiń biliktiligin kriterialdy baǵalaý júiesine ózgerister engizýdiń mańyzdylyǵyn atap ótti.
Abai atyndaǵy QazUPÝ rektory Takir Balyqbaev Ýniversitet tarapynan orta bilim berýdiń jańartylǵan mazmuny kontekstinde pedagogikalyq kadrlardy daiarlaý týraly jáne inkliýzivti bilim berý úshin pedagogikalyq mamandyqtarynyń bilim berý baǵdarlamalaryn jetildirý týraly birqatar usynystardy baiandady. Atap aitqanda, ROÁK OÁB-niń basshylyǵymen orta bilim berýdiń jańartylǵan mazmuny konteksinde bilim berý baǵdarlamalarynyń mazmunyn jańartý; «Mekteptegi oqytý protsesin uiymdastyrýdyń innovatsiialyq tehnologiialary men ádisteri» kýrsyn bilim berý baǵdarlamalaryna engizý; Nazarbaev ziiatkerlik mektebiniń bazasynda oqytý jáne bilim berý innovatsiialyq ádisteri boiynsha trener-oqytýshylardy daiyndaýdy júzege asyrý; «Órleý» biliktilikti arttyrý ulttyq ortalyǵy jáne Nazarbaev ziiatkerlik mektebimen birge QazUPÝ-niń bazasynda biliktilikti arttyrý kýrstaryn uiymdastyrý; «Bilim» mamandyqtary toby úshin negizgi basylymdar retinde úzdik ǵylymi jýrnaldardy anyqtaý, olardyń deńgeii men ǵylymi reitingin kóterýmen qatar basqa da mańyzdy usynystardy atap ótti.
Májiliste Taraz memlekettik pedagogikalyq ýniversitetiniń rektory Dariia Qojamjarova, «Kásipqor» holdingi» kommertsiialyq emes aktsionerlik qoǵamynyń Basqarma tóraǵasy Nurǵali Arshabekov, «Nazarbaev Ziiatkerlik mektepteri» derbes bilim berý uiymynyń basqarýshy direktory Olga Mojaeva, Y. Altynsarin atyndaǵy Bilim Akademiiasynyń prezidenti Janbol Jilbaev, Almaty qalasy fizika-matematika baǵytyndaǵy Nazarbaev Ziiatkerlik mektebiniń muǵalimi Saiagúl Smaǵulova, Almaty qalasy №54 I.V. Panfilov atyndaǵy Qazaq-Resei mektep-gimnaziiasynyń direktory Gúlnara Karamendinova, QR BǴM Mektepke deiingi jáne orta bilim departamenti direktory Sholpan Karinova, QR JOO bilim berý boiynsha resýrstyq keńes berý ortalyǵynyń direktory, professor Zýlfiia Movkebaeva, Túzetý pedagogikasynyń Ulttyq ǵylymi-praktikalyq ortalyǵynyń direktory Ǵaliia Abaeva sóz sóiledi.
Respýblikalyq oqý ádistemelik Keńesi Oqý-ádistemelik birlestiginiń májilisi joǵary dárejede nátijeli ótti, talqylanǵan máselelerdiń qorytyndysy boiynsha rezoliýtsiia qabyldandy.
Rimma JANBAEVA
