ءماجىلىستىڭ ماقساتى – قازاقستان رەسپۋبليكاسىنداعى پەداگوگيكالىق ءبىلىم بەرۋدى دامىتۋدىڭ كوكەيكەستى ماسەلەلەرىن انىقتاۋ.
«قازاقستان رەسپۋبليكاسىنداعى پەداگوگيكالىق ءبىلىم بەرۋدى دامىتۋدىڭ زاماناۋي مىندەتتەرى» تاقىرىبىندا وتكىزىلگەن ماجىلىسكە وقۋ-ادىستەمەلىك بىرلەستىگىنىڭ قۇرامىنداعى جوعارى وقۋ ورىندارىنىڭ 7 رەكتورلارى مەن 54 وكىلدەرى، 9 وبلىستىق (قالالىق) ءبىلىم باسقارماسىنىڭ باسشىلارى مەن نازاربايەۆ زياتكەرلىك مەكتەپتەرىنىڭ وكىلدەرى، الماتى قالاسىنىڭ مەكتەپ ديرەكتورلارى قاتىستى.
كەڭەيتىلگەن ءماجىلىس بارىسىندا پەداگوگيكالىق كادرلاردى ورتا ءبىلىم بەرۋدىڭ جاڭارتىلعان مازمۇنىنا سايكەس دايارلاۋ جانە ينكليۋزيۆتى ءبىلىم بەرۋ ءۇشىن پەداگوگيكالىق ماماندىقتاردىڭ ءبىلىم بەرۋ باعدارلامالارىن جەتىلدىرۋ تۋرالى ماسەلەلەرى، وقۋ قۇرالدارىن رواك ءواب گريفتەرىنە ۇسىنۋ قاراستىرىلدى.
ق ر بعم ۆيسە-مينيسترى اسحات ايماعامبەتوۆ العى سوزىندە جالپى ورتا ءبىلىم بەرۋدىڭ جاڭارتىلعان مازمۇنىنا كوشۋگە بايلانىستى قازاقستان رەسپۋبليكاسىنداعى پەداگوگيكالىق ءبىلىم بەرۋدى دامىتۋدىڭ كوكەيكەستى ماسەلەلەرى مەن پەرسپەكتيۆالارىن قاراستىرۋ، باعدارلامانى جۇزەگە اسىرۋ بارىسىندا پەداگوگيكالىق كادرلاردى دايارلاۋعا قويىلاتىن تالاپتار، جاڭارتىلعان ءبىلىم بەرۋ مازمۇنىنا كوشۋگە وراي جوعارى وقۋ ورىندارىنداعى ءبىلىم بەرۋ باعدارلامالارى مەن وقۋ جوسپارلارىنا، ستۋدەنتتەردىڭ بىلىكتىلىگىن كريتەريالدى باعالاۋ جۇيەسىنە وزگەرىستەر ەنگىزۋدىڭ ماڭىزدىلىعىن اتاپ ءوتتى.
اباي اتىنداعى قازۇپۋ رەكتورى تاكير بالىقبايەۆ ۋنيۆەرسيتەت تاراپىنان ورتا ءبىلىم بەرۋدىڭ جاڭارتىلعان مازمۇنى كونتەكستىندە پەداگوگيكالىق كادرلاردى دايارلاۋ تۋرالى جانە ينكليۋزيۆتى ءبىلىم بەرۋ ءۇشىن پەداگوگيكالىق ماماندىقتارىنىڭ ءبىلىم بەرۋ باعدارلامالارىن جەتىلدىرۋ تۋرالى ءبىرقاتار ۇسىنىستاردى باياندادى. اتاپ ايتقاندا، رواك ءواب-نىڭ باسشىلىعىمەن ورتا ءبىلىم بەرۋدىڭ جاڭارتىلعان مازمۇنى كونتەكسىندە ءبىلىم بەرۋ باعدارلامالارىنىڭ مازمۇنىن جاڭارتۋ؛ «مەكتەپتەگى وقىتۋ پروسەسىن ۇيىمداستىرۋدىڭ يننوۆاسيالىق تەحنولوگيالارى مەن ادىستەرى» كۋرسىن ءبىلىم بەرۋ باعدارلامالارىنا ەنگىزۋ؛ نازاربايەۆ زياتكەرلىك مەكتەبىنىڭ بازاسىندا وقىتۋ جانە ءبىلىم بەرۋ يننوۆاسيالىق ادىستەرى بويىنشا ترەنەر-وقىتۋشىلاردى دايىنداۋدى جۇزەگە اسىرۋ؛ «ورلەۋ» بىلىكتىلىكتى ارتتىرۋ ۇلتتىق ورتالىعى جانە نازاربايەۆ زياتكەرلىك مەكتەبىمەن بىرگە ءقازۇپۋ-نىڭ بازاسىندا بىلىكتىلىكتى ارتتىرۋ كۋرستارىن ۇيىمداستىرۋ؛ «ءبىلىم» ماماندىقتارى توبى ءۇشىن نەگىزگى باسىلىمدار رەتىندە ۇزدىك عىلىمي جۋرنالداردى انىقتاۋ، ولاردىڭ دەڭگەيى مەن عىلىمي رەيتينگىن كوتەرۋمەن قاتار باسقا دا ماڭىزدى ۇسىنىستاردى اتاپ ءوتتى.
ماجىلىستە تاراز مەملەكەتتىك پەداگوگيكالىق ۋنيۆەرسيتەتىنىڭ رەكتورى داريا قوجامجاروۆا، «كاسىپقور» حولدينگى» كوممەرسيالىق ەمەس اكسيونەرلىك قوعامىنىڭ باسقارما ءتوراعاسى نۇرعالي ارشابەكوۆ، «نازاربايەۆ زياتكەرلىك مەكتەپتەرى» دەربەس ءبىلىم بەرۋ ۇيىمىنىڭ باسقارۋشى ديرەكتورى ولگا موجايەۆا، ى. التىنسارين اتىنداعى ءبىلىم اكادەمياسىنىڭ پرەزيدەنتى جانبول جيلبايەۆ، الماتى قالاسى فيزيكا-ماتەماتيكا باعىتىنداعى نازاربايەۆ زياتكەرلىك مەكتەبىنىڭ ءمۇعالىمى ساياگۇل سماعۇلوۆا، الماتى قالاسى №54 ي.ۆ. پانفيلوۆ اتىنداعى قازاق-رەسەي مەكتەپ-گيمنازياسىنىڭ ديرەكتورى گۇلنارا كارامەندينوۆا، ق ر بعم مەكتەپكە دەيىنگى جانە ورتا ءبىلىم دەپارتامەنتى ديرەكتورى شولپان كارينوۆا، ق ر جوو ءبىلىم بەرۋ بويىنشا رەسۋرستىق كەڭەس بەرۋ ورتالىعىنىڭ ديرەكتورى، پروفەسسور زۋلفيا موۆكەبايەۆا، تۇزەتۋ پەداگوگيكاسىنىڭ ۇلتتىق عىلىمي-پراكتيكالىق ورتالىعىنىڭ ديرەكتورى عاليا ابايەۆا ءسوز سويلەدى.
رەسپۋبليكالىق وقۋ ادىستەمەلىك كەڭەسى وقۋ-ادىستەمەلىك بىرلەستىگىنىڭ ءماجىلىسى جوعارى دارەجەدە ناتيجەلى ءوتتى، تالقىلانعان ماسەلەلەردىڭ قورىتىندىسى بويىنشا رەزوليۋسيا قابىلداندى.
ريمما جانبايەۆا
