Qazaqstanda jasandy intellekt tehnologiialaryn mektep tájiribesine engizýdiń ádistemelik negizderi bekitildi. Tiisti talaptar men shekteýler Y.Altynsarin atyndaǵy Ulttyq bilim akademiiasy ázirlegen qujatta naqtylandy, dep habarlaidy Dalanews.kz.
Ádistemeni ázirleýdegi basty ustanym - jasandy intellekt muǵalimdi almastyrmaidy degen qaǵida. Jasandy intellekt tek sabaq daiyndaýǵa, materialdy beiimdeýge, taldaý jasaýǵa kómektesetin qural retinde qarastyrylady. Oqýshyny baǵalaý, oqý mazmunyn tańdaý jáne sońǵy sheshim qabyldaý quqyǵy tolyqtai muǵalimniń quzyrynda qalady. Bilim nátijelerin tolyq avtomattandyrýǵa jol berilmeidi. Sondyqtan jasandy intellekt daiyndaǵan kez kelgen material muǵalimniń tekserisinen ótýge tiis.
Qujat tsifrlyq qaýipsizdikke erekshe mán beredi. Onyń ishinde oqýshylardyń jeke deregin bógde servisterge engizýge bolmaidy, sabaqta qoldanylatyn platformalar zańnamalyq talapqa sai bolýy kerek. Sonymen qatar, akademiialyq adaldyqty saqtaýǵa erekshe mán beriledi. Oqýshylar JI arqyly daiyndalǵan jumystaryn óz eńbegi retinde usyna almaidy, muǵalimder qajet bolǵan jaǵdaida tapsyrmany qaita bere alady.
Ádistemelik usynymda pedagogtarǵa Canva, ChatGPT, Gemini Storybook, Notebook LM, Reading Coach, Google Lens jáne ózge de servisterdi sabaqta qoldanýdyń daiyn algoritmderi men stsenariileri berilgen. Bul muǵalimniń ákimshilik júktemesin azaityp, oqý materialdaryn oqýshynyń jeke erekshelikterine beiimdeýge múmkindik beredi.
Ádistemelik usynym Y.Altynsarin atyndaǵy Ulttyq bilim akademiiasynyń resmi saitynda qoljetimdi. Ony pedagogtar, ádiskerler, bilim berý uiymdarynyń basshylary, oqýshylar paidalana alady. Bul qadam mektepterdiń tsifrlyq transformatsiiasyn júieli túrde qoldaýǵa baǵyttalǵan.
