Pedagogterdi artyq esep pen orynsyz jaýapkershilikten qorǵaýǵa baǵyttalǵan zań jobasy Májilistiń profildi komitetterine engizildi. Qujat pedagog mártebesine, bilim berý máselelerine jáne Ákimshilik quqyqbuzýshylyq týraly kodekske ózgerister engizýdi kózdeidi. Bul zańǵa bastamashylar – depýtattar Ashat Aimaǵambetov pen Qudaibergen Beksultanov,dep habarlaidy Dalanews.kz.
Májilis depýtaty Nurgúl Taý bul bastama qoǵamda jiyrma jylǵa jýyq talqylanyp kele jatqan júieli máseleniń jalǵasy ekenin atap ótti. 2007 jyly "Bilim týraly" zań aiasynda alǵashqy quqyqtyq negiz qalansa, 2019 jyly "Pedagog mártebesi týraly" derbes zań qabyldanyp, muǵalimderdi basqa jumysqa tartýǵa tyiym salý, jalaqyny arttyrý jáne áleýmettik kepildikter bekitilgen edi.
"Qazir muǵalimder eseppen artyq júktelip, túrli onlain platformalarda mindetti tirkeýden ótýge májbúr. Sonymen qatar, kásibi mindetine jatpaityn fýnktsiialarǵa tartý derekteri bar. Zań jobasy osy olqylyqtardy joiýǵa baǵyttalǵan. Endi pedagog tek óziniń kásibi qyzmeti sheńberinde bolǵan jaǵdailar úshin jaýap beredi. Oqý protsesinen tys oqiǵalar ata-ana men zańdy ókilderdiń jaýapkershiliginde bolýǵa tiis", – dedi Nurgúl Taý.
Sondai-aq, qujatta oqý protsesi kezinde mobildi qurylǵylardy paidalaný tártibin retteý usynylady. Bul pedagogterge tolyq tyiym salý degendi bildirmeidi. Naqty qaǵidalardy ýákiletti organ bekitedi, olardyń maqsaty - oqý tártibi men qaýipsizdigin qamtamasyz etý.
"Pedagog oqý orny aýmaǵynan tys jaǵdaiǵa jaýap bere almaidy. Halyqaralyq tájiribede bul shekara naqty aiqyndalǵan. Biz de muǵalimdi negizsiz aiyptaýdan qorǵaýǵa tiispiz", – dep atap ótti ol.
