Pavlodarlyq 7-synyp oqýshysy Imran Kýsanovtyń bastaýysh synyptan-aq kompiýterlik baǵdarlamalaýǵa, matematikalyq esepterge qyzyǵýshylyǵy joǵary, dep habarlaidy Dalanews.kz.
Ásirese, informatika páninen erekshe alǵyrlyq kórsetip, algoritmdik esepterdi ońai sheshedi. Biyl ol respýblikalyq Aýyl olimpiadasynda jasynyń kishiligine qaramastan, 9 synyp oqýshylarymen birge synǵa túsip, nátijesinde informatikadan 1-oryn ielendi. Onyń zerektigi men esepterdi sheshýdegi alǵyrlyǵy, oilaý qabiletiniń júiriktigi qazylar alqasyn da tań qaldyryp, ol olimpiadanyń eń jas qatysýshysy atandy. Imrannyń jetekshisi, informatika pániniń muǵalimi Soian Ertaidyń 18 jyldyq tájiribesi bar.
«Men ustazymmen kúndelikti daiyndalamyn. Olimpiadada algoritmdik esepter, derektermen jumys jáne baǵdarlamalyq sheshimder ázirleý syndy kúrdeli tapsyrmalar beriledi. Ár kezeń men úshin qyzyqty boldy, tapsyrmalar kúrdelengen saiyn ózimdi damytýǵa umtyldym», - deidi jas daryn Imran Kýsanov.
Aita keterligi, Imran osy olimpiadaǵa 5-synyptan beri úzbei qatysyp, joǵary synyptardyń esepterin sheship keledi. Buǵan deiin de ol jeńis tuǵyrynan kórinip, 2, 3 oryndardy ielengen.
