Pavlodar oblysynda aýa raiynyń kúrt buzylýy saldarynan alty adam jaraqat aldy. Zardap shekkenderdiń úsheýi – jasóspirimder, dep habarlaidy dalanews.kz.
Oblystyq densaýlyq saqtaý basqarmasynyń málimetinshe, jedel járdem qyzmetine eki shaqyrtý túsken.
«Pavlodar qalasynda 1993 jyly týǵan er adam naizaǵai kezinde aǵash butaǵynyń qulaýynan basynan jaraqat aldy. Ol Pavlodar qalalyq №1 aýrýhanasyna jetkizildi. Dárigerdiń qaraýynan jáne alǵashqy meditsinalyq kómekten keiin ambýlatoriialyq em alýǵa jiberildi», – dep habarlady vedomstvo.
Ekinshi shaqyrtý Qudaikól aýylynan túsken. 2007 jyly týǵan qyzdyń oń jaq bilegi men qolynyń basy soǵylyp, syrylǵan.
Sondai-aq 1979 jyly týǵan er adam, 2011 jáne 2010 jyly týǵan eki ul bala, sondai-aq 2010 jyly týǵan qyz túrli dene jaraqatyn alǵan. Dárigerlerdiń málimetinshe, olardyń barlyǵy turǵylyqty jeri boiynsha em qabyldap jatyr.
