Pavlodar oblysynda "Aqtogai Milk" JShS-da alty jumysshynyń qazasyna ákep soqqan toptyq jazataiym oqiǵa boiynsha júrgizilgen arnaiy tekseris aiaqtaldy, dep habarlaidy dalanews.kz.
Tekseris barysynda jumysshylardyń biri káriz qudyǵynda kúkirtsýteginen ýlanǵany anyqtalǵan. Oǵan kómekke umtylǵan basqa jumysshylar da qudyqqa kezekpen túsken. Saldarynan bir-birin qutqarýǵa tyrysqan alty jumysshy kúkirtsýteginiń áserinen qaza tapty.
Komissiia jumysshylar qaýpi joǵary jumystardy qaýipsiz oryndaý boiynsha tiisti oqýdan ótpegenin jáne jeke qorǵanysh quraldarymen qamtamasyz etilmegenin anyqtaǵan. Sonymen qatar, káriz qudyǵyndaǵy jumystardy uiymdastyrý kezinde, sonyń ishinde apat jaǵdaiy týyndaǵan jáne qutqarý jumystary júrgizilgen kezde qaýipsizdik qamtamasyz etilmegen.
"Úkimettik komissiianyń jumysy qorytyndysy boiynsha jumys berýshi - "Aqtogai Milk" JShS-nyń kiná dárejesi 100 paiyz dep belgilengen. Arnaiy tekseris nátijesinde jazataiym oqiǵanyń sebepteri men mán-jaiy aiqyndalyp, jaýapty laýazymdy tulǵalar belgilendi", - dedi Eńbek jáne halyqty áleýmettik qorǵaý ministrligi ókilderi.
Eske salaiyq, buǵan deiin Pavlodar oblystyq máslihatynyń depýtaty ári "Aqtogai Milk" kásipornynyń iesi Aleksandr Terentev alty jumysshynyń qazasyna qatysty is boiynsha ustaldy.
