Pavlodarda 62 jastaǵy er adam 2012 jyly jasalǵan zeinetker áieldiń ólimi úshin 20 jylǵa bas bostandyǵynan aiyryldy, dep habarlaidy dalanews.kz.
Sot málimetinshe, er adam «Iablonka» baý-baqsha seriktestiginde 72 jastaǵy áielmen tanysqan. Ol áieldiń saiajai úiinde ishimdik iship, keiin úi iesin zorlap, qylmysyn jasyrý úshin kórpemen tunshyqtyryp óltirgen.
Tergeý organdary 14 jyl boiy kúdiktiniń kim ekenin anyqtai almaǵan. Alaida 2026 jyly qylmys ornynan tabylǵan DNQ izi derekter bazasyndaǵy er adamnyń málimetterimen sáikes kelgen. Ustalǵannan keiin ol óz kinásin moiyndady.
Osy ýaqytqa deiin pavlodarlyq azamat basqa bir adam óltirgeni úshin 11 jyldyq jazasyn ótep jatqan. 2023 jyly ol 59 jastaǵy tanys áielin de saiajai aýmaǵynda tunshyqtyryp óltirgeni úshin sottalǵan bolatyn.
Sot jazalardy ishinara qosyp, oǵan 20 jyl koloniia jazasyn taǵaiyndady. Al zorlaý faktisi boiynsha er adamǵa bólek jaza taǵaiyndalmady, sebebi bul qylmys boiynsha talap qoiý merzimi ótip ketken.
